ஸ்வீட் குஷ்பூ பூரி

by நாஞ்சில் குமார் Thu Nov 20, 2014 10:59 pm

[You must be registered and logged in to see this image.]

என்னென்ன தேவை?

கோதுமை மாவு (இரண்டு முறை சலித்தது),
சமையல் சோடா - ஒரு சிட்டிகை,
சூடான நெய் - 2 டேபிள்ஸ்பூன்,
உப்பு - ஒரு சிட்டிகை,
ஓமம், சீரகம், வெள்ளை எள், கருஞ்சீரகம் - தலா 1/4 டீஸ்பூன்,
சர்க்கரை - 2 டேபிள்ஸ்பூன்,
குங்குமப் பூ - 1 சிட்டிகை,
ஏலக்காய் - சிறிதளவு,
லவங்கம் - 1,
பொடித்த நட்ஸ் - 2 டேபிள்ஸ்பூன்,
எண்ணெய் அல்லது நெய் - பொரிப்பதற்குத் தேவையான அளவு.

எப்படிச் செய்வது?

எல்லா பொருட்களையும் சிறிது தண்ணீர் சேர்த்து கெட்டியாக பூரி மாவாகப் பிசைந்து மூடி, சிறிது நேரம் வைத்திருக்கவும். பிசைந்த மாவில் இருந்து பெரிய உருண்டையாக எடுத்து பெரிய ரொட்டியாகத் தேய்க்கவும். மடித்து மீண்டும் அதன் மேல் சிறிது மாவு தூவி தேய்க்கவும். பின் மீண்டும் மாவு தூவி பெரிய ரொட்டியாக மடித்துத் தேய்க்கவும். இப்படி 4, 5 முறை செய்த பின் நன்கு பெரிதாக, மெல்லியதாகவும் அதிக கனமாகவும் இல்லாமல் தேய்த்து முள் கரண்டியால் குத்தி ஒரு பாட்டில் மூடியால் வட்டமாக கட் செய்யவும்.

எண்ணெய் அல்லது நெய்யில் மிதமான சூட்டில் பொரித்தெடுக்கவும். 1 கப் சர்க்கரையில் 1/2 கப் தண்ணீர் விட்டு ஒரு கம்பிப் பதத்துக்கு பாகு செய்து, எசென்ஸ் சேர்த்து அதில் அந்த பூரியை போட்டு 5 நிமிடங்கள் கழித்துப் பரிமாறவும். குஷ்பூ என்றால் இந்தியில் வாசனை என்று அர்த்தம். இதற்கேற்ப இந்த பூரி செய்யும்போது தெருவே மணக்கும்.

- தினகரன்