அள்ளிச் செல்லப்படுகின்றன..

by kanmani singh Tue Dec 02, 2014 12:39 pm

நாம் சுற்றி வந்த கோயில் பிரகாரங்களில்
சிலைகள் பேசித் தீர்க்கின்றன
நாம் தொலைத்த காதலை...

*****************
இடைநில்லா பேருந்துகளில்
இடைவிடாமல் ஒலிக்கும் பாடல்களில்
ஒருசில பாடல்கள்
தோற்றுப்போன காதலுக்கு உரியதாக இருக்கிறது!

*****************
கரை தொட்டுத் திரும்பிப் போகும் கடலலைகள்
கரையில் பேசப்படும் காதலை
மொழி பெயர்த்து செல்கின்றன
ஆழ் கடலுக்குச் சொல்ல....

*****************
நீர் வற்றிப்போன ஆறுகளில்
அள்ளிச் செல்லும் மணல் மாதிரி
காதல் வற்றிப்போன இதயங்களில்
அள்ளிச் செல்லப்படுகின்றன வலிகள்!