கட்டா மிட்டா சுரைக்காய் முரப்பா

என்னென்ன தேவை?

சுரைக்காய் - 500 கிராம்,
சர்க்கரை - 500 கிராம்,
டிரை மாங்காய் தூள் (பெரிய கடைகளில் கிடைக்கும்) - 2 டேபிள்ஸ்பூன்,
சுக்குத் தூள் - 1 1/2 டீஸ்பூன்,
சோம்பு தூள் - 1 டேபிள்ஸ்பூன்,
மிளகாய் தூள் - 2 டீஸ்பூன்,
பொடித்த மிளகு - 1 டேபிள்ஸ்பூன்,
கருப்பு உப்பு - 1/2 டேபிள்ஸ்பூன்.

எப்படிச் செய்வது?  

சுரைக்காயின் தோலை எடுத்து விட்டு விருப்பமான வடிவத்தில் வெட்டிக் கொள்ளவும். ஒரு வாய் அகன்ற பாத்திரத்தில் 1 லிட்டர் தண்ணீரைக் கொதிக்க வைத்து அதில் சுரைக்காயைப் போடவும். பாதி வெந்ததும் சர்க்கரை சேர்க்கவும். இரண்டும் சேர்ந்து வெந்து சர்க்கரை பழுப்பாக வரும் போது மேலே கொடுத்துள்ள தூள்கள், கருப்பு உப்பு எல்லாவற்றையும் தூவி காய் உடையாமல் மரக்கரண்டியால் கலக்கவும். மசாலா, சர்க்கரை எல்லாம் சுரைக்காயில் ஒட்டிக் கொண்டு முரப்பா பதம் வந்ததும் இறக் கவும். தட்டில் தனியாக எடுத்து துண்டு களாக்கி ஆறவிட்டு, டப்பா வில் போட்டு வைத்து உபயோகிக்கலாம். இனிப்பும் புளிப்புமாக இருக்கும் இந்த முரப்பாவை வாரக் கணக்கில் வைத்து சாப்பிடலாம். மசால் தேவையில்லாதவர்கள் தவிர்த்துவிட்டு வெறும னேயும் செய்யலாம்.

- தினகரன்