விடாது துரத்துமா புகை?

பல வருடங்களாக புகைப்பழக்கம் இருந்த ஒருவர், திடீரென முற்றிலும் அந்தப் பழக்கத்திலிருந்து வெளியே வந்துவிட்டாலும், அத்தனை வருட புகை ஏற்படுத்திய பாதிப்பை பரிசோதனை செய்ய வேண்டுமா?

ஐயம் தீர்க்கிறார் நுரையீரல் சிறப்பு மருத்துவர் எஸ்.ஜெயராமன்...

‘‘புகைப்பழக்கத்தை ஒருவர் கைவிடுவது பாராட்டுக்கு உரியது என்றாலும், இனிமேல் ஒன்றும் ஆகாது என்று அதை அலட்சியமாக எடுத்துக் கொள்ளக்கூடாது. புதிதாக ஏற்பட இருக்கும் பாதிப்புகளைத்தான் அவர் தவிர்த்திருக்கிறாரே தவிர, ஏற்கெனவே ஏற்பட்டிருக்கும் பாதிப்புகளுக்கு அவர் பரிசோதனை செய்வது அவசியம்தான்.   புகைப்பழக்கத்தின் விளைவுகள் தனிப்பட்ட ஒருவரது உடலமைப்பையும், அவருக்கு இருந்த பழக்கத்தையும் பொறுத்து மாறுபடும். சிலருக்கு உடனடியாகவே அதன் விளைவுகள் தெரியும், சிலருக்கு  2 வருடங்களுக்குப் பிறகு தெரியலாம். ஆனால், பாதிப்பு ஏற்படும் என்பதில் மாற்றுக் கருத்து இல்லை.

முக்கியமாக, 5 ஆண்டுகளுக்கு மேல் ஒருவருக்கு புகைப்பழக்கம் இருந்து அதை கைவிட்டிருந்தால் உடனடியாக ஒரு பொது மருத்துவரிடமோ அல்லது நுரையீரல் சிறப்பு மருத்துவரிடமோ ஆலோசனை பெறுவது கட்டாயம். காரணம், நீண்ட நாள் புகைப்பழக்கத்தால் நுரையீரல் சுருக்கம் (சிளிறிஞி) என்ற பாதிப்பு நிச்சயம் ஏற்பட்டிருக்கும். இந்த ‘நுரையீரல் சுருக்கம்’ ஏற்பட்டால் சளி, இருமல், மூச்சுவிடுவதில் சிரமம், நெஞ்சுவலி ஆகியவை அறிகுறிகளாக ஏற்படும். இதன் முடிவாக காசநோய், நுரையீரல் புற்றுநோய், மாரடைப்பு ஆகியவை  ஏற்படலாம்.

நுரையீரல் செயலிழந்து போகும் அபாயத்தில் இருந்தால் செயற்கை சுவாசம் வைத்து காப்பாற்ற வேண்டியிருக்கும். புகைப்பழக்கம் ஒருநாளுக்கு எத்தனை முறை இருந்தது, அவரது நுரையீரலில் எந்த அளவு புகை படிந்துள்ளது, நுரையீரலின் சேதம் எவ்வளவு என்பதன் அடிப்படையில் மருத்துவர்கள் சிகிச்சைகள் அளிப்பார்கள். மார்பகத்தை ஒரு எக்ஸ்ரே எடுத்துப் பார்த்தாலே இதன் பாதிப்புகள் தெரிந்துவிடும். பரிசோதனைக்குப் பெரிய செலவு ஏதும் ஆகிவிடாது. சிகரெட் பிடித்ததற்கு ஆகும் செலவைவிடக் குறைவுதான்!’’

- தினகரன்

நல்ல ஆலோசனைகள்