மனித வாழ்வில் இருந்தும் பயனற்ற 7 .. எவை தெரியுமா?

மனித வாழ்வில் தேவைகள்ஆயிரம் இருப்பினும் சிலவற்றை இருந்தும் பயனற்றவையாகவே கருதுகின்றனர். அவை ..

1. வயதான காலத்திலோ, துன்பத்தால் வருந்தும் காலத்திலோ பெற்றோருக்கு உதவாத மகன்;

2. நல்ல பசி வேளையில் உண்ண முடியாதிருக்கும் உணவு;

3. தாகவிடாயைத் தீர்க்க இயலாது நிற்கும் தண்ணீர்;

4. கணவனின் வரவு - செலவு அறிந்து வாழ்க்கையை நடத்தத் தெரியாத
பெண்டிர்;

5. கோபத்தைக் கட்டுப்படுத்தாத அரசர்;

6. பாடம் போதித்த ஆசிரியரின் உபதேச வழி நிற்காத சீடன்;

7. நீராட வருபவனின் பாவம் தீர குளிக்க இயலாத நிலையில் பாசி படிந்து கிடக்கும் திருக்குளம் இவை ஏழும் இருந்தும் பயனற்றவை.


தினமலர்

மனித வாழ்வில் பயனற்றவை என்பது எதுவுமில்லை. நமக்கு வேண்டுமானால் அதன் பயன் அறியாமல் போகலாம். ஆனால், சிறுதுரும்பும் பல் குத்த உதவும் என்பதை நினைவில் கொள்ள வேண்டும்.

சிலருக்கு உதவாமற்போனாலும்... பலருக்கு உதவக்கூடும். பயன் பெற முடியாமற்போனது ஒருவகை வருத்தம்தான். வேதனைதான். (என்ன செய்வது... காலம் அப்படி... மனித மனம் மனித நேயத்தை இழந்து வருவது கொடுமைதான்.) ஆனால், வேறொருவகையில் சமுதாயத்திற்கோ, பிறருக்கோ உதவும் வகையில் இருக்கத்தான் செய்வார்கள்.

நமக்கு இருந்தும் பயனற்றவையாக இருப்பவைகளை நாம் பயனுள்ளதாக மாற்றிக் கொள்ள வழி தெரியவில்லை. அல்லது மாற்றி யோசிக்க இயவில்லை. அவ்வளவுதான். மற்றபடி மொத்தமாக பயனற்றவை என கூறிவிட கூடாது.

பயனற்றவையாக இருப்பவைகளை நாம் பயனுள்ளதாக மாற்றிக் கொள்ள வழி:

1. வயதான காலத்திலோ, துன்பத்தால் வருந்தும் காலத்திலோ பெற்றோருக்கு உதவாத மகன்;

தீர்வு: நமக்கு உதவா விட்டால் என்ன.. பிறருக்காவது (மனைவி, பிள்ளைகளுக்காவது மற்றும் சமுதாயத்திற்காவது) உதவியாயிருக்கிறானே என திருப்திபட்டுக் கொள்ள வேண்டியதுதான். உதவாத மகனும் திருந்த வாய்ப்பை காலம் நிச்சயம் கற்று கொடுக்கும் என நம்பிக்கை வைக்க வேண்டும்.

2. நல்ல பசி வேளையில் உண்ண முடியாதிருக்கும் உணவு;

தீர்வு: அவ்வேளையில் உண்ணா நோன்பு இருக்க பழகிக் கொள்ள வேண்டும். அல்லது அதை வடாம் செய்து விட வேண்டும்.

3. தாகவிடாயைத் தீர்க்க இயலாது நிற்கும் தண்ணீர்;

தீர்வு: டிஸ்கவரி சேனலில் காண்பிப்பதுபோல தண்ணீரை சூடாக்கியோ, சுத்திகரித்தோ குடிக்க வேண்டும். அவ்வளவுதான்.

4. கணவனின் வரவு - செலவு அறிந்து வாழ்க்கையை நடத்தத் தெரியாத 
பெண்டிர்;

தீர்வு: பொறுமையோடு வீட்டுசூழலை, எதிர்கால நிலையை, வருவாய் மற்றும் பற்றாக்குறையை தெளிவாக கற்றுக் கொடுங்கள். வரவு செலவு பராமரிக்கவிடில் என்ன சீரழிவு வாழ்வில், எதிர்காலத்தில் வரும் என்பதை நீங்களோ... அல்லது யார் சொன்னால் புரிந்து ஏற்றுக் கொள்வார்களோ அவர்களை கொண்டு புரிய வையுங்கள்.

5. கோபத்தைக் கட்டுப்படுத்தாத அரசர்;


தீர்வு: அரசர் என்பதெல்லாம் இப்பொழுது இல்லை. அதிகாரிகள்தான் உண்டு. இதற்கு ஒரே வழி - பணம்தான். ஒரு 500 அல்லது 1000 ரூபாய்தாளை காட்டி பாருங்கள்... எவ்வளவு கூலாக மாறுகிறார் என பாருங்கள்

6. பாடம் போதித்த ஆசிரியரின் உபதேச வழி நிற்காத சீடன்;

தீர்வு: ஏட்டுச் சுரைக்காய் கறிக்கு உதவாது என்பதை புரிந்து கொண்ட நடைமுறை மாணவன் போல தெரிகிறது.... இன்றைய காலகட்டத்திற்கு இதுதான் சரி... என ஆசிரியர் ஏற்றுக் கொள்ள வேண்டியதுதான். வேறு வழி???!!

7. நீராட வருபவனின் பாவம் தீர குளிக்க இயலாத நிலையில் பாசி படிந்து கிடக்கும் திருக்குளம் இவை ஏழும் இருந்தும் பயனற்றவை.


தீர்வு: நகராட்சிக்கு சொல்லி சுத்தப்படுத்துங்க சார்.... இதெல்லாம் ஒரு பிரச்சினையா?!

நண்பன் ஜேக்கிற்கு இவ்வளவு அறிவா!  :D

mohaideen wrote:நண்பன் ஜேக்கிற்கு இவ்வளவு அறிவா!  :D

இப்படிதாங்க ... தினமும் எல்லோரும் பாராட்றாங்க...

என்னமோ போங்க... ஜேக் இதெல்லாம் விரும்பறதேயில்ல...

ஆனாலும் நண்பர்கள் பாராட்டாமல் இருப்பதேயில்ல...

செந்தில் wrote:

பயனற்றவைகளுக்கு நீங்க ஏன் செந்தில் மோதிக்கிறீங்க..?

ஜேக் wrote:

செந்தில் wrote:

பயனற்றவைகளுக்கு நீங்க ஏன் செந்தில் மோதிக்கிறீங்க..?