எடையை குறைகிரன்னு ஏடாகூடமாக எதுவும் செய்யாதிங்க !!!

எடையைக் குறைக்க தவறான டயட் பின்பற்றுகிறீர்களா?

சோர்வாக இருக்கும் உங்கள் உடல் வலுவிழக்கும் போது, உங்களால் உடல் ரீதியாகவும் சரி, மன ரீதியாகவும் சரி மேலும் அழுத்தங்களை எடுத்துக் கொள்ள முடியாது. இதுவே உணவை பழக்கத்தை மாற்றுவதற்கான முதல் அறிகுறியாகும்.

அலர்ஜிகள் உருவாக ஆரம்பிக்கும் உங்களை அலர்ஜிகள் தொந்தரவு செய்ய ஆரம்பித்து விட்டதா? அது நீங்கள் பின்பற்றும் டயட்டினாலும் கூட இருக்கலாம். நீங்கள் தவறான டயட்டை பின்பற்றுகிறீர்கள் என்பதை சொல்லும் முக்கியமான அறிகுறிகளில் இதுவும் ஒன்றாகும்.

அதிகமாக பசி எடுக்கும் டயட்டை தொடங்கிய உடனேயே, உங்களை அது பசியில் ஆழ்த்தி விடக்கூடாது. அப்படி செய்தால், நீங்கள் தவறான டயட்டை பின்பற்றுகிறீர்கள்.

தொடர்ச்சியான உடல் வலி டயட்டை மாற்ற வேண்டும் என உங்களுக்கு குறிக்கும் முக்கியமான விஷயங்களில் ஒன்றாக இருப்பது உடல் வலி. உங்கள் உணவு தட்டில் உள்ள ஏதோ ஒன்று தான் உங்கள் உடல் வலிக்கு காரணமாக இருக்கும்.

மன அழுத்தம் அடியெடுத்து வைக்கும் உங்கள் டயட் திட்டத்தினால் மன அழுத்தம் அடியெடுத்து வைத்தால், உங்கள் டயட்டை நீங்கள் உடனடியாக மாற்ற வேண்டும். உணவினால் கண்டிப்பாக மன அழுத்தம் ஏற்பட கூடாது.

உங்கள் டயட்டின் மீது வெறுப்பு ஏற்படுவது உங்கள் டயட்டின் மீது உங்களுக்கு வெறுப்பு ஏற்பட தொடங்கி விட்டால், அதை மாற்ற வேண்டிய நேரம் வந்து விட்டது. டயட்டின் மீது வெறுப்பு ஏற்படும் போது அதனால் எந்த பிரயோஜனமும் கிடைக்காது. குறிப்பாக உங்கள் உடல் எடை திட்டத்தின் மீது.

எடையில் எந்த முன்னேற்றமும் இருப்பதில்லை ஒரு மாத டயட்டிற்கு பிறகு, எடை குறைவில் எந்த ஒரு முன்னேற்றமும் இல்லை என்றால் நீங்கள் உங்கள் டயட்டை கண்டிப்பாக மாற்ற வேண்டிய நேரமிது. அதற்கு காரணம் நீங்கள் பின்பற்றியது உங்களுக்கு ஆரோக்கியமற்றதாய் அமைந்துள்ளது.

பிறருடன் சேர்ந்து உணவருந்த முடியாமல் போவது குடும்பம் மற்றும் நண்பர்களுடம் சேர்ந்து உணவருந்தும் போது தேர்ந்தெடுப்பதில் எந்த ஒரு பிரச்சனையும் இருக்க கூடாது. நீங்கள் டயட்டில் இருந்தும் இயல்பற்ற முறையில் உண்ண ஆரம்பித்தால், உடல் எடை குறைப்பதற்கு அது தவறான முறையாகும்.

பட்டினியே முன்னுரிமையை பெறும் உடல் எடையை குறைக்க பட்டினி இருப்பது வழியல்ல. நீங்கள் பட்டினி இருந்தால் உங்கள் உடல்நலத்தை தான் கெடுத்துக் கொண்டிருக்கிறீர்கள். இதனால் உடலில் இருந்து கொழுப்பு அகலவே அகலாது.

மனநிலை ஏற்ற இறக்கத்திற்கு வழிவகுக்கும் மனநிலை ஏற்ற இறக்கத்திற்கு உங்கள் டயட் முக்கிய பங்கை வகித்தால், உங்கள் டயட் உங்களுக்கு ஆரோக்கியமற்றதாக உள்ளதற்கான அறிகுறி இதுவாகும். நீங்கள் உண்ணும் உணவு உங்களை சந்தோஷப்படுத்த வேண்டும்.

அதிக உடல் சுகவீனங்கள் தலை தூக்கும் டயட்டில் இருக்கும் போது, நீங்கள் உண்ணும் உணவு உங்கள் உடலை சமநிலைப்படுத்த வேண்டும். அதனால் நல்ல ஆரோக்கியம் வந்து சேரும். இருப்பினும், உடல் சுகவீனங்களை ஏற்படுத்தும் உணவுகளை நீங்கள் உட்கொண்டால், அதனை உடனே நிறுத்த வேண்டும்.

வெகு விரைவில் முதிர்ச்சி எட்டிப்பார்க்க ஆரம்பித்துவிடும் நீங்கள் பார்ப்பதற்கு பொலிவிழந்து, சருமத்தில் சுருக்கங்கள் ஏற்பட்டு, பருக்கள் அதிகரித்து காணப்பட்டால், கண்டிப்பாக உங்கள் உணவில் ஏதாவது பிரச்சனை இருக்க வேண்டும். இந்த அறிகுறியை லேசாக எடுத்துக் கொள்ளாமல் உடனே டயட்டை மாற்றுங்கள்.

உங்கள் மூட்டுக்கள் வலியெடுக்க தொடங்கும் உங்கள் உடல் வலி மோசமடைந்து, மூட்டுக்களில் வலியெடுக்க ஆரம்பித்தால், உங்கள் டயட்டில் ஏதேனும் குறைபாடு இருக்கலாம். உடனே அதனை கவனிக்கவும்.

உங்கள் நோய் எதிர்ப்பு சக்தியின் வாயிலாக பிரதிபலிக்கும் உங்கள் நோய் எதிர்ப்பு சக்தி குறைந்து, மெட்டபாலிச அளவுகள் குறையத் தொடங்கினால் ஆரோக்கியமற்ற உங்கள் டயட்டை மாற்ற வேண்டிய நேரமிது. உங்கள் ஆற்றல் திறனை உறிஞ்சும் உணவிற்கு பதிலாக ஆற்றல் திறனை அதிகரிக்கும் உணவுகளை சேர்த்துக் கொள்ளுங்கள்.

செரிமான தொந்தரவுகள் உங்கள் உடலுக்கு தவறான உணவுகளை அளித்து வந்தீர்கள் என்றால், உங்களுக்கு செரிமான பிரச்சனைகள் ஏற்படும். நீங்கள் உடல் எடை குறைப்பிற்கான சரியான டயட்டை பின்பற்றவில்லை என்பதற்கான முக்கிய அறிகுறி இதுவாகும்.

மருத்துவம்

அவசியமான தகவல்கள்

நன்றி அண்ணா

அவசிய தகவல் 
நன்றி அண்ணா