மையலில் குறைவில்லை!

காலையில் பார்த்த சூரியன்தான்...
மாலையில் பார்க்கையில் வேறு திசையில்
சற்றே மாறுபட்ட வண்ணத்தில்!
ஒரு சில மனங்களைப்போல!
************************************
என் பேனா முனை இதுவரை
எழுதாத கவிதைகளில் ஒன்றாயிருக்கிறது
உன் ஒற்றைப் பார்வை...
***********************************
ஆயுள் காப்பீடு இருக்கிறது
விபத்துக் காப்பீடு இருக்கிறது
சிகிச்சைக் காப்பீடு இருக்கிறது
காதல் காப்பீடும் இருந்திருக்கலாம்!
**********************************
உனக்கான சமையலில்
கூடக்குறைய உப்பிட்டு கொடுத்திருக்கிறேன்...
மையலில் ஒருபோதும் குறைவில்லை!
**********************************
தொலைக்காட்சியில்
காட்சிகளை மாற்றுகையில்
எப்படியாவது வந்துவிடுகிறது
உனக்கு பிடித்த பொன்மயில் பாடல்!

வாவ் வாவ் வாவ் அத்தனையும் அருமையான கவிதைகள்
பகிர்வுக்கு நன்றி சகோதரி.

அருமை!! அருமை!!  ஆனால் காப்பிட்டு நிறுவனம் சிக்கிரமே போண்டி ஆகி விடும்