வீட்டுக்கே சென்று நாளை வழங்குகிறார் ஜனாதிபதி: வாஜ்பாய்க்கு பாரத ரத்னா விருது

புதுடெல்லி:
முன்னாள் பிரதமர் வாஜ்பாய்க்கு அறிவிக்கப்பட்ட
பாரத ரத்னா விருதை, அவரது வீட்டுக்கு சென்று
ஜனாதிபதி பிரணாப் முகர்ஜி நாளை வழங்குகிறார்.


-

பல துறைகளில் சிறந்த சேவையாற்றிய பிரமுகர்களை
கவுரவிக்கும் வகையில் நாட்டின் உயரிய விருதான
பாரத ரத்னாவை வழங்கி மத்திய அரசு கவுரவித்து
வருகிறது.

பிரதமர் பரிந்துரைக்கும் நபர்களுக்கு ஜனாதிபதி இந்த
விருதை வழங்குவார். ஓர் ஆண்டில் அதிகபட்சமாக
3 பேருக்கு பாரத ரத்னா விருது வழங்கப்படும்.

முன்னாள் பிரதமர் வாஜ்பாய், சுதந்திர போராட்ட
வீரரும், இந்து மகா சபா நிறுவனருமான
மதன் மோகன் மாளவியா ஆகியோருக்கு
நாட்டின் மிக உயரிய விருதான பாரத ரத்னா விருதை
மத்திய அரசு கடந்த ஆண்டு டிசம்பர் 24ம் தேதி
அறிவித்தது.

கடந்த 1998ம் ஆண்டு முதல் 2004ம் ஆண்டு வரை
பிரதமராக இருந்த வாஜ்பாய், வயது முதிர்வு பிரச்னைகள்
காரணமாக அரசியல் வாழ்க்கையில் இருந்து ஒதுக்கினார்.

சிறந்த அரசியல் மேதையாக விளங்கிய வாஜ்பாய்,
பா.ஜ.வின் மிதமான நபர் என பலராலும் போற்றப்பட்டவர்.

கடந்த 1999ம் ஆண்டு பாகிஸ்தானின் லாகூருக்கு பஸ்
பயணத்தை தொடங்கி வைத்து, அந்நாட்டு பிரதமர்
நவாஸ் ஷெரீப்புடன் லாகூர் பிரகடனத்தில்
கையெழுத்திட்டார்.

வாஜ்பாய்க்கு அறிவிக்கப்பட்ட பாரத ரத்னா விருதை,
அவரது வீட்டுக்கே சென்று வழங்க மத்திய அரசு முடிவு
செய்தது. அதன்படி, ஜனாதிபதி பிரணாப் முகர்ஜி,
பிரதமர் நரேந்திர மோடி உள்ளிட்ட வி.வி.ஐ.பி.க்கள்
டெல்லியில் உள்ள வாஜ்பாயின் கிருஷ்ண மேமன்
மார்க் இல்லத்துக்கு சென்று பாரத ரத்னா விருதை
வழங்குகின்றனர்.

மறைந்த சுதந்திர போராட்ட வீரர் மாளவியாவுக்கான
பாரத ரத்னா விருதை அவரது குடும்பத்தினரிடம்,
ராஷ்டிரபதி பவனில் 30ம் தேதி நடக்கும் விழாவில்
ஜனாதிபதி பிரணாப் வழங்குகிறார்.
-
-------------------------------------------
தினகரன்

தகவலை பகிர்ந்துகொண்டமைக்கு நன்றி அண்ணா

தகவலுக்கு நன்றி.