தமிழ்பட உலகில் கலக்கப்போகும் டிஜிட்டல் கேமராக்கள்

தமிழ் படங்கள் இனி முழுக்க முழுக்க டிஜிட்டல் கேமராக்கள் மூலமே எடுக்கப்பட இருக்கிறது. இதற்கு நவீன கேமராக்கள் தயாராக உள்ளன. இப்போது ரோபோட்டிக் ஆர்ம், ஹைடெக் அண்டர்வாட்டர் மல்டி கேமரா, மைக்ரோ கேப்சர் எச்டி என்ற 3 டிஜிட்டல் கேமராக்கள் அறிமுகம் செய்யப்பட்டுள்ளது. 

இந்த கேமராக்களின் அறிமுக நிகழ்ச்சி ஏவிஎம் ஸ்டூடியோவில் நடந்தது. இதில் டைரக்டர்கள் ஒளிப்பதிவாளர்கள், உதவி ஒளிப்பதிவாளர்கள், கம்ப்யூட்டர் கிராபிக்ஸ் நிபுணர்கள் உள்பட பலர் கலந்து கொண்டனர். அப்போது கேமராக்கள் பற்றிய செயல் விளக்கம் செய்து காட்டப்பட்டது. 

இதில், ‘ரோபோடிக் ஆர்க்’ என்ற ஸ்டீரியோவிஷன் கேமரா பல்வேறு நவீன தொழில் நுட்ப வசதி கொண்டது. புகழ்பெற்ற ஹாலிவுட் படங்களான ‘பேர்ல் ஹார்பர்’ ‘பெர்பெக்ஸ்ட் ஸ்டாம்’, பேரன்பு படங்களுக்கு இந்த வகை கேமராக்கள்தான் பயன்படுத்தப்பட்டன. இப்போது தமிழ் பட உலகுக்கும் வந்திருக்கிறது. ‘அண்டர் வாட்டர் மல்டி கேமரா’ தண்ணீருக்கு அடியில் சென்று படம் பிடிக்க இது உதவும். 

200 அடி ஆழம் மூழ்கி தண்ணீரில் நடக்கும் சம்பவங்களை விதம்விதமாக படமாக்கலாம். ‘மைக்கோகேப்சர் எச்டி’ கேமரா மூலம் வெயில், மழை, பனி, தூசு என்று எந்த சூழ்நிலையிலும் படமாக்க முடியும். திரைப்படத்தில் வரும் ஆக்ஷன் காட்சிகள் உள்பட பல்வேறு விஷயங்களை தத்ரூபமாக படமாக்கலாம். சிறிய பொருளைக்கூட தெரிவாக படமாக்கும் வசதி இந்த கேமராவில் உள்ளது. ‘ஹாலிவுட்’ பட உலகில் பிரபலமாக உள்ள இந்த 3 கேமராக்களையும் தற்போது ஸ்டீரியோ விஷன் நிறுவனம் சென்னையில் அறிமுகம் செய்துள்ளது.

அறிய தந்தமைக்கு நன்றி அண்ணா

நன்றி செந்தில்