எடை குறைக்க இதோ இன்னொரு காரணம்!

பருமன் அதிகமுள்ள பெண்களில் 40 சதவிகிதம் பேருக்கு புற்றுநோய் தாக்கும் அபாயம் இருக்கிறது’ என்று எச்சரித்திருக்கிறது ‘கேன்சர் ரிசர்ச் யு.கே.’ அமைப்பின் சமீபத்திய ஆய்வு. பெண்களின் அதிக எடை காரணமாகவே புற்றுநோய் வருவதற்கான வாய்ப்புகள் ஏற்படுகின்றன என்றும் சுட்டிக் காட்டியிருக்கிறது இந்த ஆய்வு.

‘புற்றுநோய் வருவதற்கு கூடுதலான எடையும் காரணம்’ என்று குறிப்பிட்டிருக்கிறது அமெரிக்கன் கேன்சர் சொசைட்டி. ‘இது உடலின் நோய் எதிர்ப்பு சக்திக்குள் குறுக்கிட்டு, ஈஸ்ட்ரோஜென் இன்சுலின் போன்ற ஹார்மோன்களின் அளவுகளை பாதிக்கும். கேன்சர் வளர்வதற்கு வழி வகுக்கும்’ என்கிறார்கள். எடையுடன் தொடர்புடைய 7 வித புற்றுநோய்களில் ஏதேனும் ஒன்று, ஒரு தனிமனிதரின் வாழ்நாளில் பாதிக்க வாய்ப்பிருப்பதாக பட்டியலிட்டிருக்கிறார்கள். பருமனான பெண்களுக்கு மார்பகம், குடல், கணையம், உணவுக்குழாய், கருப்பை, சிறுநீரகம் மற்றும் பித்தப்பை ஆகியவற்றில் புற்றுநோய் வருவதற்கான வாய்ப்புகள் அதிகம்.

பருமனுள்ள பெண்களில் 41 சதவிகிதம் பேருக்கு குறிப்பிட்ட 7 புற்றுநோய்களில் ஒன்று வர வாய்ப்பிருக்கிறது என்று கணித்திருக்கிறது இந்த ஆய்வு. ஆயிரம் பெண்களில் 274 பேர்கள் எடையோடு தொடர்புடைய புற்றுநோயை எதிர்கொள்கிறார்களாம். ஆரோக்கியமான எடையுள்ள பெண்களில் ஆயிரத்தில் 194 பேரையும் புற்றுநோய் தாக்க வாய்ப்பு இருக்கிறது.

பருமனுள்ள பெண்களுக்கு எந்தெந்த புற்றுநோய் வரலாம் என்பதையும் அவற்றுக்கான அபாய சதவிகிதங்களையும் இந்த ஆய்வு குறிப்பிட்டிருக்கிறது. அவை... மாதவிடாய்க்குப் பிறகு வரும் மார்பகப் புற்றுநோய் - 25%, கணையப் புற்றுநோய் - 31%, குடல் புற்றுநோய் - 32%, சிறுநீரகப் புற்றுநோய் - 78%, பித்தப்பை புற்றுநோய் - 100%. கருப்பை புற்றுநோய் - 131%, உணவுக்குழாய் புற்றுநோய் - 133%. இந்த ஆய்வு, புற்றுநோய் வளர்ச்சியில் எடையின் முக்கியத்துவத்தை கட்டம் கட்டிக் காட்டியிருக்கிறது.

கேன்சர் ரிசர்ச் யு.கே. ஆய்வுக்குழு தலைவர் டாக்டர் ஜூலி ஷார்ப் இப்படிக் குறிப்பிடுகிறார்... ‘‘கேன்சர் வருவதற்கான அபாயம் என்பது நம் மரபணுக்களின் கலவை, சுற்றுச்சூழல், வாழ்க்கையின் மற்ற அம்சங்களைச் சார்ந்தது என்பதை நாம் அறிவோம். அவற்றில் பெரும்பாலானவற்றை நம்மால் கட்டுப்படுத்த முடியாது. இருப்பினும் புற்றுநோய் வளர்வதற்கான அபாயத்தைக் குறைக்கலாம் என்பதை மக்களுக்குப் புரிய வைப்பது முக்கியமானது. சரியான எடையைப் பராமரிப்பது, முறையான டயட்டில் இருப்பது போன்ற வாழ்க்கைமுறை மாற்றங்கள் புற்றுநோய் அபாயத்தைக் குறைக்கும். இந்த மாற்றங்களைச் செய்வதால் நமக்கு புற்றுநோய் வராது என்பதல்ல... அதிலிருந்து நம்மை வெகு தூரம் தள்ளி வைக்கலாம்!’’

பருமன் என்பது உலகெங்கும் பெரும் பிரச்னையாக உருவெடுத்திருக்கிறது. அமெரிக்காவில் 7 கோடியே 86 லட்சம் பேருக்கு பருமன் பிரச்னை இருக்கிறது. அதிலும் 40-59 வயதுக்கு உட்பட்ட அமெரிக்கர்களுக்கு இது  சர்வ சாதாரணமான விஷயம். பெரியவர்களில் மூன்றில் ஒரு பங்குக்கு அதிகமானோரும், குழந்தைகள் மற்றும் வளரிளம் பருவத்தில் உள்ளவர்களில் ஐந்தில் ஒருவரும் பருமனால் பாதிக்கப்பட்டிருக்கிறார்கள். பருமனால் புற்றுநோய் தாக்கும் அபாயம் அதிகம் இருப்பதைப் போலவே இதய நோய்கள், பக்க வாதம், நீரிழிவு பிரச்னைகள் வருவதற்கான அபாயங்களும் அதிகம். இங்கிலாந்து பெண்களின் புற்றுநோய் கேஸ்களில் 7 சதவிகிதம் பருமனோடு தொடர்புடையது. உஷார் தோழிகளே!


http://www.dinakaran.com/ladies_Detail.asp?cat=501&Nid=3298

பகிர்வுக்கு நன்றி நண்பா

சிறப்பான மருத்துவ பகிர்வுக்கு நன்றி மொஹைதீன்.





#spm4

நன்றி