இந்த வார சிறப்பு கவிஞர் விருது [04/05/2015 முதல் 10/05/2015]

by **Admin** Mon May 11, 2015 4:25 pm

உறவுகளுக்கு வணக்கம்,

சிறப்பு கவிஞர் விருதுக்கான தலைப்பு கொடுத்த மாத்திரத்தில் வழக்கம் போலவே கவிஞர்கள் ஒருவருக்கு ஒருவர் போட்டி போட்டு கொண்டு அனைவருமே சிறப்பாக நிலவு கவிதைகளை பதிவு செய்தனர் சிறப்பு கவிதைகளை தேர்வு செய்வதில் நடுவர்கள் சற்று திண்டாடிவிட்டனர் என்றே சொல்லாலாம் அந்தளவுக்கு ஒவ்வொருவரின் கவிதைகளும் மிகவும் அழகாகவும் நல்லதொரு எடுத்துக்காட்டாகவும் அமைந்து இருந்தது.

நமது நடத்துனர்களில் ஒருவரான மகா பிரபு முதன்முறையாக யாருமே எதிர்பாராத வகையில் போட்டியில் பங்கு கொண்டு எளிய நடையில் ரத்தின சுருக்கமாக மகளின் பசி போக்கிய தாய் என்று பதிவு செய்தது அருமை.
மாதம் ஒருமுறை

மறையும் மங்கையவள்
என்னன்பு மகளின்
பசிபோக்கும் தாயவள்

என செல்கிறது அவரது கவிதை வரிகள்… கைதட்டி பாராட்டலாம்.

கவிஞர் தமிழினியன் தான் பதிவு செய்த கவிதைகளில்...

கடன் வாங்கிப் பூசிய வெளிச்சத்தில்
உடனிருக்கும் வழு மறைத்தவள் நீ!
உனைப்பார்த்துண்ட அன்னத்தில்
எனை வளர்த்த நன்றிக்காய் நீதி
மனையுன்னை இழுக்கேன் நான் !
உன்னிலா என்னிலா ஊடல் நான் கொள்வது
தன்னிலா நிகரிலா உவமை நீ சொல்வது
என்னதான் சொல் நிலா நீ பிழையென்பது
பண்ணிலும் பொருளிலும் விதிவிலக்காவது

ஆதிமுதல் காதலுக்கு தூது போன தோழியடி! நீ
ஜாதி மத பேதமின்றி நம்சோகங்களின் தூளியடி!

தனிமை கொண்டு தவிப்போரின் தாசியடி -அவர்
தனிமை கொன்று தாலாட்டும் தாய்மடி நீ!

என்ற வரிகள் மிகவும் சிறப்பாக இருந்தது நிலவினை காதலுக்கு தூது போன தோழி என்றும் சிறு வயதில் நிலைவினை பார்த்து தான் சோறு உண்டதையும் அழகாக பதிவு செய்து இருந்தார்.

கவிஞர் செந்தில்மோகன் - நம் தளத்தின் புதிய வரவு

திரண்ட மேகக்கூந்தலை
லாவகமாய் விலக்கி வெளியேறும்..
அகன்ற நெற்றியின்
அழகுப்பொட்டே..
உன் அம்மா வீட்டிற்கு
ஆசையுடன் சென்றாயோ
என்றே அந்நாளை
அமாவாசை என்றோமோ.

தன்னுடைய கவிதையில் நிலவே அமாவாசை அன்று உன் அம்மா வீட்டுக்கு சென்று விட்டாயோ என்றும் நிலவினை நெற்றியின் அழகு பொட்டே என்று வர்ணித்தது அழகாக உள்ளது.

கவிஞர் முஹம்மத் ஸர்பான் வழக்கம் போலவே சிறப்பான முறையில் நிலவு கவிதைகளை பதிவு செய்து இருந்தார்

உன் முகம் வெள்ளையாக
இருந்தாலும் உடலுக்கு
கறுப்புச் சேலைதான் பிடிக்குமா?

நிலா நீ உலா செல்லாதே!
மானுக்கு வலை விரிக்கும் வேடன்
வானுக்கு வலை போட்டு விடுவான்

நிலவே! இவ்வுலகில் உனக்கென துணையை
தேடிக்கொள்! இளைஞர்கள் எல்லாம் உன்னை
கனவில் விபச்சாரியாக்குகிறார்கள்.செல்வர்கள்
உன் கழுத்தில் தாலி கட்டுவதற்காய் செவ்வாய்க்கு
கடவுச்சீட்டு வாங்கி விட்டார்கள்.

உன் அழகினை வரிகளிலும் இனி எழுதமாட்டேன்.
கலைஞன் என்ற ரீதியில் அன்பாய் இக்கடிதத்தை
தருகிறேன்.கிடைப்பதற்கு பல வருடங்கள் ஆகலாம்
அவர்கள் உன்னை அழிப்பதற்கு நெருங்கிவிட்டார்கள்.
நிலவே!! ஜாக்கிரதை.

என்று சொன்ன விதம் மிகவும் அருமை.

கவிஞர் ரௌத்திரன் வழக்கம் போலவே தன்னுடைய எழுத்து வேகத்தை நிலவு கவிதையில் அழகாக பதிவு செய்து உள்ளார்.

ஆண்டவனிடம்
அப்படியென்னதான் வேண்டுகிறாய்
ஒவ்வொருநாளும்
ஒருகோடி விளக்கேற்றி?

ஏ நிலவே!
உன்னைப் போல்
நட்சத்திரங்கள் தேய்வதில்லை
ஆனால்
நட்சத்திரங்களைப் போல்
நீ உதிர்வதில்லை!

இருட்டில் நிற்கிறோமே என்று
இதயம் கலங்காதே
இருள்வந்து சூழாவிட்டால்
உலகுக்குத் தெரிந்திருக்குமா
உன் அழகு?

வரதட்சணைக்கு வழியின்றி
வயது தொலைத்து
உணர்ச்சிகளின் கல்லறையாய்
உலாவிக்கொண்டிருக்கும்
முதிர்கன்னி எவளையும் இனி
முற்றுகையிட
நீள வேண்டாம்
நஞ்சு தோய்ந்த நின் கிரணங்கள்...!

என்ற வரிகள் எல்லாம் நம்மை சற்று சிந்தக்கவே வைக்கின்றன.

நட்சத்திர கூட்டத்தில் உள்ளேயே இருந்து கொண்டு ஆண்டவனிடன் என்ன வேண்டுகோள் விடுக்கிறாய் என்றும் இருள் இல்லை என்றாள் உன் அழகு இல்லை என்றும் இனி எப்போதும் நஞ்சு தோய்ந்த நின் கிரணங்களை முதிர்கன்னி யாரிடமும் நீட்ட வேண்டாம் என்றும் பதிவு செய்தது சற்று விழிப்புனர்வாக உள்ளது.

கவிப்புயல் இனியவன் தான் பதிவு செய்த நிலவு கவிதையில்

நிலாவில்
பாட்டி இருக்கிறார் ....
இன்றுவரை நம்பும் குழந்தைகள் ....!!!
பாட்டியுமில்லை பாட்டனுமில்லை ...
வான் வெளி தூசிகளே அவை ....
நிரூபிக்க ஒருமுறை வருவாயோ ...?
மூடநம்பிக்கையை உடைத்தெறிய ...
ஒருமுறை இறங்கி வருவாயோ ...?

காரிருள்
வானத்தில் பளிச்சிடும் நிலாவே ....
காரிருள் கூந்தலோடு பளிச்சிடும் ....
என்னவளின் வதனமும் .....
மண்ணுலக நிலாதானடி ....
விண் நிலவே - நீ தான் ....
என்னவளை படைத்தாயோ ...

என்ற வரிகளில் நிலவில் பாட்டியும் இல்லை பாட்டனும் இல்லை அவை எல்லாம் தூசிகள்தான் என்று மூட நம்பிக்கையை உடைத்து எறிய நீ பூமிக்கு வர வேண்டும் என்றும் நிலவினை தன் காதலியோடு ஒப்பிட்டு வர்ணித்தது மிகவும் அழகாக உள்ளது.

இந்த முறை சிறப்பு கவிஞர் விருது யாருக்கு தருவது? போட்டியில் பங்கு கொண்ட அனைவருமே சிறப்பான முறையில் பதிவு செய்து இருந்தாலும் மெய்ஞானத்தையும் விஞ்ஞானத்தையும் ஒப்பிட்டு திரு. கவிப்புயல் இனியவன் அவர்களின் ஒரு கவிதையை படிக்கும் போதே ரசிக்கும் வண்ணம் உள்ளது. அவர் கவிதைகளில் பல விழுப்புணர்வு தரும் வகையில் அமைந்து இருக்கும். மேலும் நீண்ட காலமாக நம் தளத்தில் எண்ணிலடங்கா கவிதைகளை பதிவு செய்து நம் தளத்தை பெருமை படுத்தி கொண்டு இருப்பவர் என்ற வகையிலும் கவிப்புயல் திரு. இனியவன் அவர்களை இவ்வார சிறப்பு கவிஞராக தேர்வு செய்கிறோம்.

இந்த வாரத்தின் சிறப்பு கவிஞராக தேர்வு பெற்ற கவிப்புயல் திரு. இனியவன் அவர்களை அனைவரும் வாழ்த்துவோமாக.

நடத்துனர் குழு.
தகவல்.நெட்
http://www.thagaval.net/

by முரளிராஜா Mon May 11, 2015 4:30 pm

மனமார்ந்த வாழ்த்துக்கள் இனியவன் அவர்களே

by ஸ்ரீராம் Mon May 11, 2015 4:31 pm

இந்த வார சிறப்பு கவிஞர் விருது [04/05/2015 முதல் 10/05/2015] Single-red-rose

வாழ்த்துக்கள் இனியவன் அண்ணா.

by ரௌத்திரன் Mon May 11, 2015 4:39 pm

அன்புத்தோழர்.திரு.இனியவன் அவர்களுக்கு எனது மனமார்ந்த பாராட்டுகளும் வாழ்த்துகளும் உரித்தாகுக! --------------ரௌத்திரன்

by thamiliniyan Mon May 11, 2015 6:13 pm

தோழர் இனியவனுக்கு இனிய நல்வாழ்த்துக்கள் !

by sendhilmohan Mon May 11, 2015 10:05 pm

நிலவொளியாய் எனது வாழ்த்தொலிகளை வழங்குகிறேன்..

by முழுமுதலோன் Tue May 12, 2015 10:35 am

இந்த வார சிறப்பு கவிஞர் விருது [04/05/2015 முதல் 10/05/2015] Blomsterkrukken

வாழ்த்துக்கள் இனியவன்

by kanmani singh Tue May 12, 2015 11:24 am

வாழ்த்துக்கள் இனியவன் அவர்களே!

by கவிப்புயல் இனியவன் Thu May 14, 2015 5:48 am

இந்த வார சிறப்பு கவிஞராக தெரிவானத்தில் எனக்கு மட்டற்ற மகிழ்ச்சி
மேலும் நான் வேலை காரணமாக தூர இடத்தில இருக்கிறேன் வாரம் ஒருமுறைதான் வீடு வருகிறேன்
(வியாழன் ) அதனால் தான் உடனே நன்றி தேர்வுக்க முடியவில்லை .
வரும் ஆகஸ்ட் முதல் வழமைபோல் வரமுடியும் என்று கருதுகிறேன் .

வாழ்த்திய உள்ளங்கள் அனைவருக்கும் உளமாந்த நன்றி ...
வாழ்க வளமுடன்

by மகா பிரபு Thu May 14, 2015 12:21 pm

வாழ்த்துக்கள்

by Sponsored content

இந்த வார சிறப்பு கவிஞர் விருது [04/05/2015 முதல் 10/05/2015]

இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

வாழ்த்துக்கள் இனியவன் அண்ணா.

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]

Re: இந்த வார சிறப்பு கவிஞர் விருது [04/05/2015 முதல் 10/05/2015]