ஊடல்,InfoAmbiga

உருவகப்படுத்தப்பட்ட
உன் வார்த்தைகள்
எனை கலவரப்படுத்த..

மனத்திரை முன்
குற்ற உணர்வுகள்
குறிப்பெடுக்க..

நீசத்தனமான
கருத்த உருவமாய்
முன்னிற்கும்..

மிரட்டும் உந்தன்
பார்வை மின்னலென
திரும்பி உயிர்குடிக்கும்..

சரியொ தவறோ என
ஏதோ ஓர் பதிலை
எதிர்நோக்கி முன்னேறும்

என்னிடம் ஒப்புக்குக்கூட
எண்ணி எதுவும் செய்யவில்லை
என் எல்லாமானவனே...்

ஜன்னலோர இருக்கைக்கான பிரார்த்தனைகள் என்னுடையவை ......இன்போ.அம்பிகா  

ரயில் பயணத்தில்
ஜன்னலோர
இருக்கைக்கான
பிரார்த்தனைகள்
என்னுடையவை .....

ரயிலை பிடிக்க
எத்தனிக்கும்
ஒவ்வொரு பயணியின்
பரிதவிப்பும்
என்னுடையதாக...

ஜன்னல் பிடித்து
விளையாடும்
குழந்தையின்
குதூகலம்
எனக்கே உரித்தாக...

ஒவ்வொரு
வர்த்தகனும்
எனக்கான வணிகத்தை
செய்வதாய் எண்ணி
சிலாகித்ததும்.......

என்னுடனான
ஜன்னல் கம்பிகளுக்கு
மட்டுமே தெரியும்
என் வேண்டுதல்கள்
எதற்கென........?

பச்சையாய் போன
மிச்சமாய் இருக்கும்
கழனிகளையும்,,,

இச்சையாய் கொஞ்சம்
சொச்சமாய் இருக்கும்
நீர்நிலைகளையும் ...

அச்சமாய் பார்த்து
வரும் ஆனந்த
பயணி நான் .....இன்போ.அம்பிகா

எம்மை ஆள வந்த வேந்தே!

எப்படி அய்யா எம்முள்
வந்து சேர்ந்தீர்!.......

நீர் எம்முள் இருக்கும்
அடையாளத்தை
ஏனோ இயற்கை
எமக்கு உணர்த்தி
கொண்டே இருக்கிறது......

நம்முள் கொண்ட காதலை
யாம் மரித்தாலும்
மறக்க இயலாது

எம் வேந்தே
உமக்குள் எம்மை
தொலைத்து விட்டேன்...

எமக்குள் உம்மை தேடி
தொலைத்ததும் அதை
எம்மிடமே மூடி மறைத்ததும்
மறந்தீரோ......

உம்மை கண்டு நான் நாணம்
கொண்டு நின்றதெலாம்
நினைந்தீரோ!........

உம்மை எல்லா
ஜென்மத்திலும் எம்மவர்
ஆக்க நான் கொண்ட
விரதம் அறிந்தீரோ .....


உம்மை சேரவே
துஷ்யந்தனின்
சகுந்தலையாய் சாய்ந்து
கிடக்கிறேன்

குதிரையெடுத்து கவர்ந்து
செல்வீரோ....
இல்லை களைந்து
செல்வீரோ...இன்போ.அம்பிகா

[quote] Reply with quote

ஜன்னலோர இருக்கைக்கான பிரார்த்தனைகள் என்னுடையவை ......இன்போ.அம்பிகா

மனதை நெருங்கிய அனுபவ வரிகள் சபாஷ்

எனக்கும் பிடித்த - ரசித்த கவிதை
ஜன்னலோர இருக்கைக்கான பிரார்த்தனைகள் என்னுடையவை


எம்மை ஆள வந்த வேந்தே!

எப்படி அய்யா எம்முள்
வந்து சேர்ந்தீர்!.......

எப்படி என்றால் என்ன சொல்வது என்று தெரியவில்லை