உன் சுதந்திரத்தில் நான் அனாதை!

by thamiliniyan Sat Apr 25, 2015 8:52 am

தளை களைந்தெறிந்து
அடுக்களை துறந்து
வெளிக்களம் வந்து
பெண்ணியம் பெற்ற
பெரும் பேறு
சுதந்திரம் !

கண்ணியம் போர்த்திய
ஆடைக்குள்
பெண்மை
மென்மையுடன்
மூடி

இருந்தபோதிருந்த
அழகவிழ்ந்து
போகப் பண்ணியதிந்த
சுதந்திரம்.

அன்று முதல்
இன்றுவரை
ஆணியம் மட்டும்
கண்ணியம் காத்து
அணியும் ஆடையில்
ஆபாசம் இல்லை!
அருவருப்பில்லை!

ஆண்மையின்
அழகிற்கு
அணுவிழுக்கில்லை !

பெண்மையே!
உண்மையில்
சுதந்திரம் உன்னுரிமை
அதில்
மறுப்பேதும் இல்லை!

ஆனால்

திறந்த புத்தகத்தை
விட
மூடிய
பெட்டகத்தின்
மதிப்பே
அதிகமென்றறியாமல்

அவிழ்ந்த ரகசியமாய்
நீ திரிந்த பின்
அநியாத்துக்கேன்
ஆண்களைச்
சாடுகிறாய்
அத்துமீறி
வருகிறான் என்று?

ஆணுக்கினையாக
ஆயிரம் செய் நீ
ஆனால்
ஆடைகுறைப்பு
மட்டும்
விட்டுக் கொடு
போதும்!

தாயாய்
தங்கையாய்
தமக்கையாய்
நண்பியாய்
பார்க்க
முடியவில்லை
உன்னை !

வந்தவளை மட்டும்
பார்க்க
விரும்பும் கோலத்தில்
வழியில்
வருபவள் போவபவள்
எல்லாம்
வந்து போகையில்

பெற்றவள்
கூடப் பிறந்தவள்
எவளுமற்ற
அனாதை ஆகிறேன்
நான்!

-தமிழினியன்-

by முழுமுதலோன் Sat Apr 25, 2015 10:48 am

உன் சுதந்திரத்தில் நான் அனாதை!

ஏனப்பா அப்படி நினைக்கிறாய் !!!

by thamiliniyan Sat Apr 25, 2015 10:52 am

வந்தவளை மட்டும்
பார்க்க
விரும்பும் கோலத்தில்
வழியில்
வருபவள் போவபவள்
எல்லாம்
வந்து போகையில்

பெற்றவள்
கூடப் பிறந்தவள்
எவளுமற்ற
அனாதை ஆகிறேன்
நான்!

இந்த வரிகளில்
உங்கள் கேள்விக்கு விடை உள்ளதே கவனிக்க வில்லையா ஐயா!?

by முழுமுதலோன் Sat Apr 25, 2015 11:00 am

thamiliniyan wrote:
வந்தவளை மட்டும்
பார்க்க
விரும்பும் கோலத்தில்
வழியில்
வருபவள் போவபவள்
எல்லாம்
வந்து போகையில்

பெற்றவள்
கூடப் பிறந்தவள்
எவளுமற்ற
அனாதை ஆகிறேன்
நான்!

இந்த வரிகளில்
உங்கள் கேள்விக்கு விடை உள்ளதே கவனிக்க வில்லையா ஐயா!?

நன்கு கவனித்தேன் ஆனால் தயை செய்து இந்த அநாதை என்ற வார்த்தையை மட்டும் குறிப்பிடாதிர்கள் என்னை பொறுத்த வரையில் அநாதை என்று யாருமே கிடையாது இந்த உலகில் யாரவது ஒருத்தராவது நிச்சியம் ஆதரவு தருவார்கள்