ஹைகூவில் ஒரு கதை

கண்கள் கலந்து
கர்ப்பம் ஆனது
காதல்

இல்லாத ஒன்று
இடையில் வந்தது
ஜாதி

தடைகள் போட
உடைத்து போட்டது
வயது

சொந்த பந்தம்
துறக்கச் சொன்னது
ஈர்ப்பு

கை கொடுத்து
கட்டி வைத்தது
நட்பு

௯டி மோகம்
தீர்த்துக் கொண்டது
தேகம்

ஒன்றில் ஒன்றை
அழித்துக் கொண்டது
கற்பு

மோகம் தீர
விழித்துக் கொண்டது
வயிறு

.

காதல் தொலைந்து
கண்ணில் தெரிந்தது
யதார்த்தம்

தேவை வந்து
தட்டி நின்றது
கதவு

சேர்த்து வைத்த
நட்பு போனது
தொலைந்து

பெற்றவர் சொன்னது
வந்து நின்றது
நினைவில்

தேனாய் இனித்தது
எட்டியானது
கசந்து

கொண்ட காதல்
ஒடிப்போனது
தொலைந்து

அன்பே உயிரே
தொலைந்து போனது
வாயில்

பேயும் பிசாசும்
நாட்டியமாடியது
நடுவில்

சேர்ந்து வாழ்ந்து
சோர்ந்து போனது
மனது

பிரிந்து போக
வநது நின்றது
கோர்ட்டில்

சமரசம் செய்து
தோற்றுப்போனது
கோர்ட்டு

ஒடி வந்து
நடுவில் நின்றது
விவாகரத்து

கையைத் தட்டி
வீசிச் சென்றான்
ஆண்

வயிற்றில் ஒன்றை
வாங்கிச்சென்றாள்
பெண்

முள்ளில் விழுந்து
கிழிந்துபோனாள்
பெண்

இன்னொாரு பெண்ணைக்
கிழிக்கப் போனான்
ஆண்

வேண்டாம் என்று
பயந்து ஒதுங்க இதுவல்ல
காதல்

தேகம் தாண்டி
வந்தால் அது
காதல்

கட்டில் மட்டும்
பகிர்வதல்ல
காதல்

கஷ்டம் சேர்ந்து
பகிர்ந்தால் அது
காதல்

பிஞ்சில் வந்து
பழுத்தால் அது
வெம்பல்

வேண்டாம் பிள்ளைகாள்
பருவம் முந்திய
காதல்

-தமிழினியன் -

அனைத்தும் அருமை!

ஒரு மாதிரிமுயற்சி செய்து பார்த்தேன்.ஏதோ கொஞ்சம் சரியாக வந்த மாதிரித் தான் தெரிகிறது.ஆனாலும் கருத்துக்கள் பலவாறு வந்தால் தான் புரியும்.
பாராட்டுக்கு நன்றிகள் நண்பரே!

வாவ் வாவ் அனைத்தும் அருமை.

முதலில் உங்கள் முயற்சிக்கு எனது பாராட்டுகள். உண்மையில் சொல்லிக்கொண்டே வந்த முறை அழகு. முக்கால்வாசிக் கவிதைவரை மிகவும் ரசித்தேன். முடிவில் சொதப்பி இருக்கிறீர்கள். இதை முழுமையாக ஹைக்கூவில் சொல்லப்பட்ட கதை என்று ஏற்க முடியாது என்பதே எனது கருத்து. மற்றபடி இந்தக் கவிதைக்காக உங்களைப் பாராட்டுகிறேன். நல்ல முயற்சி! -------ரௌத்திரன்

உண்மை தான் ரெளத்திரன்.எனக்கும் அது புரிந்தது.
ஹைகூவின் இலக்கணமிங்கில்லை.அதன் வடிவம் மட்டுமே இறுதிப்பகுதியில் வருகிறது.ஆனால் ஆழமாக சிந்தித்து முயன்றால் முடியுமென்று நினைக்கிறேன்.
எனக்கு மிகவும் மகிழ்சி தந்த விடயம் உஙகள் வெளிப் படையான கருத்தும் விமர்சனமும் தான்.
இது தான் என் முயற்சிக்கு கிடைத்த வெகுமதி.
நன்றி.உஙகள் விமரசனஙகைள தொடருஙகள என்னிடம் மட்டுமாவது.

ஹைக்கூவும் சென்ரியுவும் கலந்து வருகின்றது thamiliniyan அவர்களே... இதைப் பாருங்கள் மிகவும் விரிவாகவும் எப்படி எழுத வேண்டும் எப்படி எழுதக் கூடாது என்றும் சுட்டிக்காட்டியதோடு என் ஹைக்கூ கற்பியலையும் சுட்டிக்காட்டப்பட்டுள்ளது http://www.thagaval.net/t7898-topic

தொடர்ந்து எழுதுங்கள் அப்போதுதான் பிடிபடும் ஹைக்கூ - பின்னர் புரியும் சென்ரியு (உங்கள் ஹைக்கூக்களை தொடர்ந்து வாசிக்கிறேன். சென்ரியு வந்தாலும் ஹைக்கூவாகவே நினைத்து பாராட்டுவேன்... பின்னர் புரிதலுக்குப்பின் தாங்களாகவே சென்ரியு என்று தலைப்பிட்டு எழுதுவீர்)

என்னுடைய ஹைக்கூ தொடர் ஒரு முறை பார்த்துக்கொள்ளுங்கள்
http://www.thagaval.net/t5322-topic
என்னுடைய சென்ரியு தொடர் ஒரு முறை பார்த்துக்கொள்ளுங்கள்
http://www.thagaval.net/t5321-topic
ந.க.துறைவனும், இனியவன் அவர்களும் ஹைக்கூ சென்ரியு எழுதி வருகின்றார்... அவருடையதையும் படியுங்கள்...