கோபாலா கிருஷ்ண கோகலேயின் பிறந்த நாள் இன்று.

[You must be registered and logged in to see this image.]

இன்றைய வரலாறு
சமூக மறுமலர்ச்சிக்கு போராடிய கோபாலா கிருஷ்ண கோகலேயின் பிறந்த நாள் இன்று
கோபால கிருஷ்ண கோகலே இந்தியாவின் மகாராஷ்ட்ரா மாநிலத்தில் உள்ள கோதாலுக் என்ற ஊரில் பிறந்தார். 1884-ஆம் ஆண்டு தன் கல்லூரிப் படிப்பை முடித்தார். இந்திய சுதந்திரப் போராட்டத்தில் மிதவாத கொள்கைகளை பின்பற்றிய இவர் மகாத்மா காந்தி உள்ளிட்ட மிதவாதிகளை வழி நடத்திச் சென்றார். இந்திய சேவகர்கள் என்ற அமைப்பை ஏற்படுத்தி சமுதாயத்தின் அனைத்து மக்களிடையேயும் கல்வியறிவை வழங்கி அரசியல் மற்றும் சமூக விழிப்புணர்வை ஏற்படுத்த தொடர்ந்து உழைத்தார். இதன் மூலமாக கல்வி மற்றும் சிந்தனையில் ஆங்கிலேயருக்கு நிகரான நிலையை எட்டுவதன் மூலமாக தேச விடுதலையை எளிதாகப் பெறலாம் என்று எண்ணினார். கோபால கிருஷ்ண கோகலே 1899-ஆம் ஆண்டு மும்பை சட்டப்பேரவைக்கும், 1903-ஆம் ஆண்டு இந்திய கவர்னர் ஜெனரலின் இந்தியப் பேரவையின் மும்பை பிரதிநிதியாக தேர்ந்தெடுக்கப்பட்டார். 1905 – ஆம் ஆண்டு இந்திய தேசிய காங்கிரஸின் தலைவராக தேர்ந்தெடுக்கப்பட்டு சிறப்பாக செயல்பட்டார். ஆங்கிலேயருக்கு சாதகமாகவும் இந்தியர்களுக்கு பாதகமாகவும் கொண்டுவரப்பட்ட சட்டங்களையும் ஆட்சியாளர்களையும் விமர்சித்தார். தன் வாழ்நாளில் இந்திய மக்களின் அடிப்படை பிரச்சினைகளுக்கு காரணமான கல்வியறிவின்மை, அறியாமை, சமய மூடநம்பிக்கை, அரசியல் விழிப்புணர்வின்மை ஆகியவற்றை சமுதாய மறுமலர்ச்சியின் மூலமாக மாற்ற தன் வாழ்நாள் முழுவதும் பாடுபட்ட கோபால கிருஸ்ண கோகலேயின் பிறந்த நாள் (மே-09)இன்று.

நன்றி: முகநூல்.