அறவொளி கவிதைகள் -எரிமலை வாய்கள்

வந்த இடத்தில்
வீண் சண்டை ஏன்

எரிமலை வாய்கள்
சரியென ஓய
இடம் அமைதி

வந்த இடம் என
அவர் சொன்னது
பூமியையோ

மனமும் அமைதி....

அருமை அருமை
தொடர்ந்து உங்கள் கவிதைகளை இங்கேயே பதியுங்கள்

அப்பாவின்
உயிரே நான் தான்...

முதல் நாள் பள்ளி
சேர்க்கையின் போதும்
முகூர்தத்தின் போதும்
அவர் உடலின் நடுக்கம்
உணர்ந்தேன்

ஆண்டுகள் உருண்டது..

கணவனே என் உலகம்
அவன் உலகத்திலோ...
நெரிசலில் நான்.

ஆண்டுகள் உருண்டது..

உறங்கும் வேளை
உதட்டை சுழித்து
சிரிக்கும் பிள்ளையின்
கனவில் நானே என்று
கனவில் மிதக்கும் நான்...

பிள்ளைக்காகவே
நான்...

ஆண்டுகள் உருண்டது..

அம்மா பாவம்ப்பா
அன்பா சொல்லுங்க
திட்டாதீங்க...
அப்பாவிடம்
விண்ணப்பம்....

ஆண்டுகள் உருண்டது....

மருமகளும், நானும்
ஒரே வீட்டில்...
எங்கள் மனசோ
முள்ளின் பார்வை வேண்டி
தராசின்
எதிரெதிர் தட்டில்....

ஆண்டுகள் உருண்டது..

அப்பாவின் செல்லமாமே நீ
அவளை பிடித்து
அரவணைத்துக் கொஞ்ச

போங்க பாட்டி
பெருமையுடன்
பிடி விலக்கி...

பழைய சக்கரம் ஒன்றை
ஓட்டிச் சென்றாள் பேத்தி....

சிரித்துக் கொண்டேன்
சக்கரம்
உருள்வதைப் பார்த்து....

திறந்த பெட்டியில்
நிறைந்த பணம்
நிரப்பியது யார்

கையில் சிக்காமல்
காற்றில் பறக்குது..

எங்கு விழுந்தாலும்
என்னையே சேரும்
கொடுப்பதே இன்பம்

சொல்லாமல்
சொன்னது
கடல் அறக்கட்டளை

இரண்டு கவிதைகளுமே அருமை
பாராட்டுக்கள்

அருமை அருமை

அலைந்தே திரிந்து
விரும்பி வாங்கிய
பூச்செடி - நித்தம்
பூத்துக் குலுங்கி
வெளியில் போகும் என்னை
மனைவியைப் போல்
பார்த்துச் சிரித்தாலும்
காவலாளியின் வணக்கத்தை
கர்வத்தோடு கடப்பது போல்
நான்...

மேலிருந்து கீழாக
ஒற்றைக் கயிற்றில்
அபாரமாய் நடந்து
வித்தைக் காட்டுது
மெழுகுவர்த்தி தீபம்....

பரம்பரைச் சொத்து தான்
பாதுகாக்க வேண்டாவா

எத்தனை முறையடா
சொல்வது
தேவையில்லாத போது
கதவுகளை மூடென்று...
குப்பையாய் வீடு...
ஏவலாளியை திட்டிக் கொண்டே
எழுந்தார் ஏகாம்பரம் ....

ஒன்பது கதவுகளையும் மூட ...

மலையளவு
தடை வரினும்
மனம் உடையாமல்
போகுது பார்த்தாயா....
மேகப் பேருந்தில்
பயணத்தோடு
பாடமும் கற்றுக் கொண்டது
சன்னலோரத்தில் அமர்ந்த
இரண்டு மழைத் துளிகள்..

அனைத்து ரகச் செடியிலும் 
வந்ததெப்படி ஓர் 
அழகான ரோஜாப்பூ 
அனேகமாய் 
முப்பத்திரண்டு 
முட்களோடு....

தெருவில் விழுந்தோ
தெய்வத்தின் மீது
வழிந்தோ
வாழ்க்கை முடிந்தாலும்
பரவாயில்லை
பசியைப் பார்க்காமலேயே
பயணம் முடிகிறதே
முணுமுணுத்தது
மரணத்தின் வாயில் பால்.....

புலன் விசாரணை
பின்னணியில் யார் யார்
காட்டிக் கொடுக்கவே இல்லை
கடைசி வரை
ஐம்புலன்கள்
மனசை...

அருமை அருமை