காதல் பித்து !

by thamiliniyan Wed May 27, 2015 9:09 pm

எங்கோ எங்கோ எங்கெங்கோ
லேசாய் சிறகாய்ப் பறக்கின்றேன்!
ஏதோ ஏதோ ஏதேதோ
என்னுள் மாற்றம் உணர்கின்றேன்!

என்னை நீயாய் உள்ளே நான்
என்னை மாற்றிக் கொள்கின்றேன்!
பெண்ணே நீயேன் என்னைத்தான்
கண்ணால் கைது செய்தாயோ!?

நினைவறிந்த நாள் முதல் நான்
என்னை மறந்த நினைவில்லை!
உன்னைக் கண்ட நொடி முதலே
என்னை மறந்து திரிகின்றேன்!

யாரோ யாரோ யார்யாரோ
வந்து போகும் தெருவில் நான்
யாரோ யாரோ யாரோவாய்
தொலைந்து போனேன் தருவாயோ !?

என்னை என்னை என்னை நான்
எங்கெங்கோ சென்று தேடுகிறேன்!
உன்னை உன்னுள் உள்ளே நீ
உள்ளேனா நான் திறந்து பார்!

ஆமென்றுன் கண் சொல்லும்
ஒரு சைகை போதுமடி
ஒரு நூறு ஜென்மங்கள்
கடந்தென்னை போகுமடி!

-தமிழினியன்-

by முரளிராஜா Thu May 28, 2015 9:34 am

மனசை பத்திரமா பாத்துக்குங்க தமிழினியன் மிக கொடிய நோய் உங்களை தாக்கிக்கிட்டு இருக்கு புன்முறுவல்

நினைவறிந்த நாள் முதல் நான்
என்னை மறந்த நினைவில்லை!
உன்னைக் கண்ட நொடி முதலே
என்னை மறந்து திரிகின்றேன்!

உண்மை
அருமை அருமை

by thamiliniyan Thu May 28, 2015 12:17 pm

இல்லை நண்பர்களே! இது ஒரு காதல் பித்தனின் நிலையில் இருந்து உளறிய உளறல்கள்.இந்த நிலையைக் கடந்து இன்று நொந்து நூலாகி இருக்கும் எனக்குள் மீண்டும் காதலா!?? ஐயோடா போதுமடா சாமி!

by ஸ்ரீராம் Thu May 28, 2015 12:19 pm

கவிதை சூப்பர்

நலம்தானே?

by முரளிராஜா Thu May 28, 2015 12:43 pm

thamiliniyan wrote:இல்லை நண்பர்களே! இது ஒரு காதல் பித்தனின் நிலையில் இருந்து உளறிய உளறல்கள்.இந்த நிலையைக் கடந்து இன்று நொந்து நூலாகி இருக்கும் எனக்குள் மீண்டும் காதலா!?? ஐயோடா போதுமடா சாமி!

தமிழினியன் நகைப்புக்காக மட்டுமே அந்த மறுமொழி புன்முறுவல்

by thamiliniyan Thu May 28, 2015 4:13 pm

அது புரியாமல் இல்லை நண்பரே! நானும் நகைப்புக்காகவே பதிலுரைத்தேன்
நான் நலம் ஸ்ரீ ராம் ! நன்றி நலம் விசாரிப்புக்கு

by Sponsored content

காதல் பித்து !

காதல் பித்து !

Re: காதல் பித்து !

Re: காதல் பித்து !

Re: காதல் பித்து !

Re: காதல் பித்து !

Re: காதல் பித்து !

Re: காதல் பித்து !

Re: காதல் பித்து !