அருமையான… காளான் சில்லி

by சிவா Sat Nov 17, 2012 3:05 pm

காளான் அனைவருக்குமே பிடிக்கும் என்று சொல்ல முடியாது. ஏனெனில் அது
மழைக்காலங்களில் அதிகம் தண்ணீர் தேங்கியிருக்கும் பகுதியில் பல்வேறு
இடங்களில் முளைப்பதால், நிறைய பேருக்கு அதை சாப்பிடப் பிடிக்காது. மேலும்
இந்த காளான் பொதுவாக சைனீஸ் உணவில் அதிகம் பயன்படுத்தப்படும். அப்படி
உணவில், நல்ல நிலையில் வளர்க்கப்பட்ட காளானையே பயன்படுத்துவர். இத்தகைய
காளானை வீட்டில் இருக்கும் அனைவரும் சுவைத்து உண்ணும் படி செய்ய ஒரு
அருமையான, காரசாரமான வகையில் ஒரு ரெசிபி இருக்கிறது. அதுதான் காளான்
சில்லி. இதனை சாதத்திற்கும், சப்பாத்திக்கும் வைத்து சாப்பிடலாம். சரி, அது
எப்படியென்று பார்ப்போமா!!!
தேவையான பொருட்கள் :
காளான் – 500 கிராம்
வெங்காயம் – 2
குடைமிளகாய் – 1
வெங்காயத்தாழ் – 1
பச்சை மிளகாய் – 4-6
இஞ்சிபூண்டு விழுது – 2-3 டேபிள் ஸ்பூன்
சோயா சாஸ் – 2-3 டேபிள் ஸ்பூன்
கார்ன் ஃப்ளார் – 1 டேபிள் ஸ்பூன்
வினிகர் – 1 1/2 டேபிள் ஸ்பூன்
மிளகாய்த்தூள் – 1 டேபிள் ஸ்பூன்
தண்ணீர் – 1/2 கப்
உப்பு – தேவையான அளவு
எண்ணெய் – தேவையான அளவு
செய்முறை :
முதலில் காளானை நன்கு சுத்தமாக கழுவி, சிறு சிறு துண்டுகளாக வெட்டிக்
கொள்ளவும். பிறகு வெங்காயம், பச்சை மிளகாய், குடைமிளகாய், வெங்காயத் தாழ்
போன்றவற்றை நறுக்கிக் கொள்ளவும்.
பின் வெங்காயத்தை மிக்ஸியில் நன்கு அரைத்துக் கொள்ளவும். மேலும் அத்துடன் இஞ்சிபூண்டு விழுதையும் சேர்த்து அரைத்துக் கொள்ளவும்.
ஒரு வாணலியை அடுப்பில் வைத்து அதில் 2 டேபிள் ஸ்பூன் எண்ணெய் விட்டு
சூடேற்றவும். பின் அதில் அரைத்த வெங்காய கலவையை சேர்த்து வதக்கவும்.
பிறகு அதில் நறுக்கிய குடைமிளகாய், பச்சை மிளகாய், மிளகாய்த்தூள் மற்றும் உப்பு சேர்த்து 2-3 நிமிடம் வதக்கவும்.
பின் அதனுடன் வினிகர் மற்றும் சோயா சாஸை ஊற்றி கிளறவும். இனிப்புச் சுவை
வேண்டுமென்றால், அதோடு தக்காளி சாஸை ஊற்றி 1 நிமிடம் கிளறவும்.
பிறகு கார்ன் ஃப்ளாரை தண்ணீரில் கரைத்து அதில் ஊற்றி, கெட்டியான கிரேவி
போல் வரும் வரை நன்கு கொதிக்க வைக்கவும். பின் அதில் நறுக்கிய காளான்
துண்டுகளை போட்டு, நன்கு கிளறி கிரேவியானது காளானில் இறங்கும் வரை 1-2
நிமிடம் வேக வைக்கவும்.
இப்போது சுவையான, அருமையான காளான் சில்லி ரெடி!!! இதன்மேல் நறுக்கிய வெங்காயத் தாழை தூவி பரிமாறலாம். புன்முறுவல்