தந்தை பெரியார் பிறந்த நாள் இன்று

தந்தை பெரியார், வைக்கம் வீரர் என்று அழைக்கப்பட்ட ஈ.வெ. ராமசாமி அவர்கள் தமிழ்நாட்டின் ஈரோட்டில் 1879ம் ஆண்டு இதே தினத்தில்(செப்டம்பர்-17) பிறந்தார். சிறுவயது முதலே எதனையும் பகுத்தறிந்து செயல்படும் பழக்கம் கொண்டவர். சமுதாயத்தில் நிலவிய பெண் அடிமைத்தனம், மதங்களின் பெயரால் நடைபெற்ற மூடப்பழக்கங்கள், சமுதாய ஏற்றத்தாழ்வு ஆகியவற்றை களைவதற்காக நீதிக்கட்சி மற்றும் திராவிடர் கழகத்தின் மூலமாக தீவிர முயற்சி மேற்கொண்டு மக்களிடம் விழிப்புணர்வினை ஏற்படுத்தினார். கள்ளுக்கடை மறியல் மற்றும் தீண்டாமை கொடுமை போன்றவற்றை தடுப்பதற்காக எண்ணற்ற போராட்டங்களை நடத்தினார். சமுதாயத்தில் பின்தங்கிய மக்களுக்காக இடஒதுக்கீடு கோரிக்கையை முன்வைத்தார். சமுதாய முன்னேற்றத்திற்கும், பெண்களுக்கு சமஉரிமை கிடைத்திடவும் தன் வாழ்நாள் முழுவதையும் அர்ப்பணித்தார் தந்தை பெரியார்.

உலகம் முழுவதும் விநாயக சதூர்த்தியை கொண்டாடி வரும் இதே நாளில் கடவுள் பற்றிய சர்ச்சையை உண்டாக்கிய பெரியார் அவர்கள் பிறந்த நாளும் வந்து இருப்பது சிறப்புதானே?