என் சமையல் அறையில் - ஆவியில் வேகவைத்த உணவு

by முழுமுதலோன் Sat Oct 03, 2015 3:03 pm

First topic message reminder :

”சாப்பிடும்போது நல்லாதான் இருந்தது… ஆனா, கொஞ்ச நேரத்துக்கு அப்புறம் வயித்த என்னவோ பண்ணுது” – இப்படி அலுத்துக் கொள்ளாதவர்கள் மிகவும் குறைவு. உணவு வகைகளிலேயே, வயிற்றுக்கு இதமானவை என்ற வரிசையில் ஆவியில் வேகவைத்த உணவுகளுக்கு முதல் இடம் உண்டு. புட்டு, இடியாப்பம், கொழுக்கட்டை, இலை வடாம், இட்லி, வெஜ் ரோல், டோக்ளா, காண்வி என ஆவியில் வேகவைத்த உணவுகளில் எத்தனை வகை உண்டோ அத்தனையையும் அலசி ஆராய்ந்து, அவற்றில் 30 வகைகளைக் கண்ணைக் கவரும் அழகுடன், சுண்டியிழுக்கும் சுவையுடன் இந்த இணைப்பிதழில் உங்களுக்காக குவித்திருக் கிறார் சமையல்கலை நிபுணர் லஷ்மி ஸ்ரீநிவாசன்.
”ஃபாஸ்ட் ஃபுட், ஜங்க் ஃபுட் போன்றவற்றை முடிந்த அளவுக்கு தவிர்த்துவிட்டு, இந்த ரெசிபிகளை செய்து பரிமாறினால், உங்கள் குடும்பத்தினரின் வாயும், வயிறும் உங்களை வானுயர வாழ்த்தும்” என்று பாசமிகு தோழியாய் பரிவும், உற்சாகமும் பொங்கக் கூறுகிறார் லஷ்மி.

by முழுமுதலோன் Sat Oct 03, 2015 3:25 pm

பனீர் பால் கொழுக்கட்டை
தேவையானவை: களைந்து, உலர்த்தி, அரைத்த பச்சரிசி மாவு – அரை கப், நீர் – ஒரு கப், உப்பு – கால் சிட்டிகை, எண்ணெய் 2 சொட்டு, சுண்டக் காய்ச்சிய பால் – ஒரு கப், சிறியதாக நறுக்கிய பனீர் துண்டுகள் – 10, ஏலக்காய்தூள் – சிறிதளவு, சர்க்கரை – 50 கிராம்.
என் சமையல் அறையில் - ஆவியில் வேகவைத்த உணவு - Page 2 25

என் சமையல் அறையில் - ஆவியில் வேகவைத்த உணவு - Page 2 25

செய்முறை: நீருடன் உப்பு, எண்ணெய் சேர்த்து கொதிக்கவிட்டு, அரிசி மாவு தூவி, கட்டியின்றி கிளறவும். ஆறிய பின் மாவை சீடை போல் உருட்டி ஆவியில் வேகவிட்டு எடுக்கவும். சர்க்கரையுடன் கால் கப் நீர் ஊற்றி சூடாக்கி, கொதி வந்தவுடன் பனீர் துண்டுகள். வேகவைத்து எடுத்த சீடைகளைப் போட்டு 5 நிமிடம் கொதிக்கவிட்டு இறக்கவும். இதனுடன் சுண்டக்காய்ச்சிய பால் மற்றும் ஏலக்காய்த்தூள் சேர்த்துப் பரிமாறவும்.
குறிப்பு: பாலுக்குப் பதில் தேங்காய்ப் பால் உபயோகித்தும் இதை செய்யலாம்.

by முழுமுதலோன் Sat Oct 03, 2015 3:25 pm

சென்னா – கோதுமை ரவை கொழுக்கட்டை
தேவையானவை: கோதுமை ரவை – ஒரு கப், வேகவைத்த சென்னா – கால் கப், உப்பு – தேவையான அளவு.
தாளிக்க: கடுகு, பெருங்காயத்தூள், உளுத்தம்பருப்பு, சீரகம் – தலா அரை டீஸ்பூன், காய்ந்த மிளகாய் – 2, எண்ணெய் – 2 டீஸ்பூன், நறுக்கிய கொத்தமல்லி – சிறிதளவு, முந்திரிப் பருப்பு – 8.
என் சமையல் அறையில் - ஆவியில் வேகவைத்த உணவு - Page 2 26

என் சமையல் அறையில் - ஆவியில் வேகவைத்த உணவு - Page 2 26

செய்முறை: தாளிக்கக் கொடுத்துள்ளவற்றைத் தாளித்து, 2 கப் நீர் சேர்த்து, கொதி வந்தவுடன் உப்பு, கோதுமை ரவை, வேகவைத்த சென்னா சேர்த்து, பாதி வெந்தவுடன் இறக்கவும். ஆறியபின் மாவை உருண்டை / நீளவாக்கில் உருட்டி இட்லித்தட்டில் வைத்து 10 நிமிடம் ஆவியில் வேகவிட்டு எடுக்கவும். தக்காளி அல்லது புதினா சட்னியுடன் சூடாக பரிமாறவும்.

by முழுமுதலோன் Sat Oct 03, 2015 3:26 pm

கேரள பழப்புட்டு
தேவையானவை: பச்சரிசி மாவு – ஒரு கப், தேங்காய்த் துருவல் – அரை கப், சர்க்கரை – 4 டேபிள்ஸ்பூன், ஏலக்காய்த்தூள்- சிறிதளவு, வாழைப்பழம் – 10 (வில்லைகளாக நறுக்கவும்), நெய் – 2 டீஸ்பூன், உப்பு – ஒரு சிட்டிகை.
என் சமையல் அறையில் - ஆவியில் வேகவைத்த உணவு - Page 2 27

என் சமையல் அறையில் - ஆவியில் வேகவைத்த உணவு - Page 2 27

செய்முறை: பச்சரிசி மாவை சிவக்க வறுத்து, சிறிது உப்பு கலந்த வெந்நீர் தெளித்து பிசிறவும் (பிசையக் கூடாது). புட்டுக் குழலில் சிறிதளவு மாவு, சிறிதளவு தேங்காய் துருவல் என்று மாற்றி மாற்றி நிரப்பி, 10 மிடம் ஆவியில் வேகவிட்டு எடுக்கவும். இதனுடன் சர்க்கரை, நெய், ஏலக்காய்த்தூள், நறுக்கிய வாழைப்பழம் கலந்து பரிமாறவும்.

by முழுமுதலோன் Sat Oct 03, 2015 3:27 pm

கொத்தமல்லி இடியாப்பம்
தேவையானவை: இடியாப்பம் (உதிர்த்தது) – 2 கப்.
அரைக்க: கொத்தமல்லி, புதினா – தலா அரை கட்டு, சிறிய பச்சை மிளகாய் – 3, எலுமிச்சைச் சாறு – சிறிதளவு, மஞ்சள்தூள் – கால் டீஸ்பூன், உப்பு – தேவையான அளவு.
என் சமையல் அறையில் - ஆவியில் வேகவைத்த உணவு - Page 2 28

என் சமையல் அறையில் - ஆவியில் வேகவைத்த உணவு - Page 2 28

தாளிக்க: கடுகு, பெருங்காயத்தூள், கடலைப்பருப்பு, உளுத்தம்பருப்பு – தலா அரை டீஸ்பூன், எண்ணெய் – 2 டீஸ்பூன்.
செய்முறை: அரைக்கக் கொடுத்துள்ளவற்றை அரைத்து, உதிர்த்த இடியாப்பத்துடன் சேர்த்து நன்கு கலக்கவும். தாளிக்கும் பொருட்க¬ளைத் தாளித்து இதனுடன் சேர்த்துக் கலந்து பரிமாறவும்.

by முழுமுதலோன் Sat Oct 03, 2015 3:28 pm

கார ராகி ரோல்ஸ்
தேவையானவை: கேழ்வரகு மாவு – ஒரு கப், சிறிய பச்சை மிள காய் – 4 (விழுதாக்கவும்), பெருங் காயத்தூள், உப்பு – சிறிதளவு.
பூரணம்: துருவிய சீஸ் – 200 கிராம், மிளகுத்தூள் – அரை டீஸ் பூன், உப்பு – சிறிதளவு, நறுக்கிய கொத்தமல்லி – கைப்பிடி அளவு.
என் சமையல் அறையில் - ஆவியில் வேகவைத்த உணவு - Page 2 29

என் சமையல் அறையில் - ஆவியில் வேகவைத்த உணவு - Page 2 29

செய்முறை: பூரணத்துக்கு கொடுக்கப்பட்டுள்ள பொருட்களை கலந்துகொள்ளவும். கேழ்வரகு மாவுடன் சிறிதளவு நீர், உப்பு, பெருங்காயத்தூள் சேர்த்துக் கரைத்து, பச்சை மிளகாய் விழுது சேர்த்துக் கலக்கவும். ஒரு சிறிய கரண்டி மாவை எடுத்து வாழை இலையில் மெல்லிய சிறிய தோசைகளாக ஊற்றி, ஆவியில் 3 நிடம் வேகவிட்டு எடுக்கவும். வெந்த கேழ்வரகு தோசைகளின் உள்ளே பூரணத்தை நிரப்பி, அப்படியே பாய் போல் சுருட்டி, கொத்தமல்லி தூவி பரிமாறவும்.

by முழுமுதலோன் Sat Oct 03, 2015 3:29 pm

ஸ்வீட் ராகி ரோல்ஸ்
தேவையானவை: கேழ்வரகு மாவு – ஒரு கப், சர்க்கரை – கால் கப், தேங்காய்த் துருவல் – 2 டேபிள்ஸ்பூன், ஏலக்காய்த்தூள் – வறுத்த முந்திரி, உலர் திராட்சை – தேவையான அளவு, உப்பு – ஒரு சிட்டிகை.
என் சமையல் அறையில் - ஆவியில் வேகவைத்த உணவு - Page 2 30

என் சமையல் அறையில் - ஆவியில் வேகவைத்த உணவு - Page 2 30

செய்முறை: கேழ்வரகு மாவை சிறிதளவு நீர், உப்பு சேர்த்து தோசை மாவு போல் 3 நிமிடம் கரைத்துக்கொள்ளவும். ஒரு சிறிய கரண்டி மாவு எடுத்து வாழை இலையில் மெல்லிய சிறிய தோசைகளாக ஊற்றி, ஆவியில் 3 நிமிடம் வேகவிட்டு எடுக்கவும். சர்க்கரை, முந்திரி, திராட்சை, ஏலக்காய்த்தூள் ஆகியவற்றை ஒன்றாக கலக்கவும். இந்த பூரணத்தை ஆவியில் வெந்த கேழ்வரகு தோசைகளின் உள்ளே நிரப்பி, அப்படியே பாய் போல் சுருட்டி பரிமாறவும்.

https://g0b15.wordpress.com/