முன்னாள் மனைவிக்காக விமானத்தை கடத்திய முட்டாள்: எகிப்து அதிகாரிகள் தகவல்

by rammalar Wed Mar 30, 2016 4:51 pm

அலெக்சாண்ட்ரியாவில் இருந்து எகிப்து தலைநகர் கெய்ரோ
நோக்கிப் பயணித்துக் கொண்டிருந்த MS181 என்ற விமானம்
55 பயணிகளுடன் கடத்தப்பட்ட சம்பவம் பரபரப்பை ஏற்படுத்தியது.

பயங்கரவாதிகள் இந்த விமானத்தை கடத்தியருக்கலாம் என்று
பயந்த வேளையில், அந்த விமானத்தை கடத்தியவர் ஒரு
ஆத்திரமடைந்த கணவர் என்பது தெரியவந்துள்ளது.

அலெக்சாண்ட்ரியாவில் இருந்து விமானம் புறப்பட்ட உடன்,
எல்ட் முஸ்தபா என்ற பயணி தற்கொலை பெல்ட் அணிந்திருப்பதாக கூறி,
விமானத்தை சைப்ரஸில் தரையிருக்குமாறு கூறினார். இதனையடுத்து
சைப்ரஸில் விமானம் தரையிறக்கப்பட்டது.

அவருடன் விமான நிலைய அதிகாரிகள் பேச்சுவார்த்தை நடத்திய பின்னர்,
கடத்தப்ட்ட விமானத்தில் இருந்து நான்கு, ஐந்து பேரை தவிர அனைவரையும்
விடுவித்தார்.

இதனிடையே மீதமுள்ளவரக்ளை விடுவிக்க நிபந்தனையாக, சைப்ரஸ் நகரில்
வசித்துக்கொண்டிருக்கும் தனது முன்னாள் மனைவியை பார்க்க ஏற்பாடு
செய்யுமாறு கூறினார். மேலும் தனது முன்னா மனைவியிடம் கொடுக்குமாறு
கடிதமும் கொடுத்தார். இதனை கண்டு கோபமடைந்த விமான நிலைய
அதிகாரிகள், அவரை சுற்றிவளைத்து கைது செய்தனர்.

இதைப்பற்றி எகிப்து அதிகாரிகள் கூறுகையில், விமானத்தை கடத்தியது
தீவிரவாதிகள் அல்ல. ஒரே ஒரு முட்டாள் என்று தெரிவித்தனர்.
-
-------------------------------------------
புதியதலைமுறை