மல்லையா விவகாரம்:வங்கிகளுக்கு அசோசேம் யோசனை

புது தில்லி
–
வங்கிகளிடம் இருந்து ரூ.9,000 கோடி கடன் பெற்ற
விஜய் மல்லையாவிடம் பேச்சுவார்த்தை நடத்த
வேண்டும் என்று இந்திய வர்த்தகம் மற்றும் தொழில்
துறை கூட்டமைப்பு (அசோசேம்) அறிவுறுத்தியுள்ளது.

கிங்ஃபிஷர் விமான நிறுவனத்தின் உரிமையாளரான
விஜய் மல்லையா மீது பொதுத் துறை வங்கிகளின்
கூட்டமைப்பு சார்பில் கடந்த பிப்ரவரி மாதம் வழக்கு
தொடரப்பட்டது.

இதனிடையே, தான் வாங்கிய ரூ.9,000 கோடி கடன்
தொகையில் ரூ. 4,000 கோடியை வரும் செப்டம்பர்
மாதத்தில் திருப்பிச் செலுத்துவதாக மல்லையா கடந்த
வாரம் தெரிவித்திருந்தார்.

இந்த வாய்ப்பை வங்கிகளின் கூட்டமைப்பு
நிராகரித்ததோடு, மல்லையா இந்தியாவில் உள்ளார்
என்பதை உறுதிப்படுத்த உத்தரவு பிறப்பிக்க வேண்டும்
என உச்ச நீதிமன்றத்தில் கேட்டு கொண்டது.

இதுகுறித்து அசோசேம் வெளியிட்ட செய்திக் குறிப்பில்
கூறியதாவது: ரூ.4,000 கோடி கடனை செலுத்துவதாக
அவர் கூறியது, கடனை திருப்பிச் செலுத்த வேண்டும்
என்ற அவரது எண்ணத்தை பிரதிபலிக்கிறது.

எனவே அவர் திருப்பிச் செலுத்த முன் வரும் தொகையைப்
பெற்றுக் கொண்டு, மேலும் நஷ்டமடையால் பார்த்துக்
கொள்ள வேண்டும் என்று அந்த செய்திக் குறிப்பில்
கூறப்பட்டுள்ளது.
–
————————————–
தினமணி