நேபாள சிறுமியை வாங்கி, பாலியல் பலாத்காரம் செய்த கோவா எம்.எல்.ஏ. கைது

பனார்ஜி,
–
நேபாள சிறுமியை விலைக்கு வாங்கி பாலியல் பலாத்காரம் செய்த கோவா எம்.எல்.ஏ. கைது செய்யப்பட்டார்.
–
நேபாள நாட்டை சேர்ந்த 16 வயது சிறுமியை விலைக்கு வாங்கி கோவா மாநில சுயேட்சை எம்.எல்.ஏ. பாபுஷ் மொன்சரேட் பாலியல் பலாத்காரம் செய்துவிட்டதாக குற்றம் சாட்டப்பட்டது.
–
பாதிக்கப்பட்ட சிறுமி போலீசில் கொடுத்து உள்ள வாக்குமூலத்தில் என்னுடைய வளர்ப்பு தந்தை மற்றும் மற்றொரு பெண் என்னை ரூ. 50 ஆயிரத்திற்கு விற்றுவிட்டனர் என்று கூறிஉள்ளார். எம்.எல்.ஏ. தன்னை வலுக்கட்டாயமாக மதுஅருந்த செய்து பாலியல் பலாத்காரம் செய்துவிட்டார். சம்பவத்தன்று ”காலை என்னுடைய உடலில் ஆடை இல்லாமல் இரத்த வெள்ளத்தில் எழுந்தேன், எனது அருகே எம்.எல்.ஏ.வும் ஆடையின்றி இருந்தார்.”என்று குழந்தைகள் பாதுகாப்பு கமிஷனிடம் சிறுமி கூறிஉள்ளார். மாநில அரசு நிர்வாகம் செய்யும் சிறுவர்கள் பாதுகாப்பு மையத்தில் சிறுமி தங்க வைக்கப்பட்டு உள்ளார்.
–
குழந்தைகள் பாதுகாப்பு கமிஷன் கடந்த 26-ம் தேதி அறிக்கையை மாநில போலீசுக்கு அனுப்பியது என்றும் போலீஸ் 10 நாட்கள் கழித்தே இதுதொடர்பான நடவடிக்கையை தொடங்கியது என்றும் தகவல்கள் தெரிவித்து உள்ளன.
–
சிறுமிக்கு நடத்தப்பட்ட மருத்துவ பரிசோதனையில் அவர் பாலியல் பலாத்காரம் செய்யப்பட்டது உறுதிசெய்யப்பட்டது. இதனையடுத்து எம்.எல்.ஏ.வை போலீசார் கைது செய்து உள்ளனர். கோவா மாநில குற்றப்பிரிவு போலீசார் கார்திக் காஷ்யாப் பேசுகையில், “ எம்.எல்.ஏ.வுக்கு எதிரான அனைத்து ஆவணங்களையும் கைப்பற்றி உள்ளோம். டிஜிட்டல், தடயவியல் மற்றும் பிற ஆதாரங்களை கொண்டு அவருக்கு எதிராக நடவடிக்கை எடுத்து உள்ளோம். இவ்வழக்கில் இரண்டாவது குற்றவாளியான சிறுமியின் வளர்ப்பு தாயையும் கைது செய்து உள்ளோம். விசாரணை நடைபெற்று வருகிறது,” என்று கூறிஉள்ளார்.
–
ஆனால் எம்.எல்.ஏ. பாபுஷ் மொன்சரேட் சிறுமியின் மீது திருட்டு குற்றச்சாட்டை சுமத்த முயற்சி செய்து உள்ளார். சிறுமி தனக்கு சொந்தமான கடையில் வேலை செய்ததாகவும், அங்கியிருந்து ரூ. 4 ஆயிரத்தை திருடிவிட்டார் என்று பொய் குற்றச்சாட்டை சுமத்திஉள்ளார்.
–

தினத்தந்தி

குற்றவாளிக்கு கடுமையான தண்டனை வழங்கப்பட வேண்டும் .