ஒரே நாளில் இரு சபைகளிலும் மசோதா நிறைவேறிய அதிசயம்

புதுடில்லி :
ஒரே நாளில், ஒரு மசோதாவுக்கு பார்லிமென்டின்
இரு சபைகளும் ஒப்புதல் அளித்த அபூர்வ நிகழ்ச்சி நடந்துள்ளது.
=
பீஹார் மாநிலம் பூசாவில் உள்ள ராஜேந்திர பிரசாத் வேளாண்
பல்கலையை, மத்திய பல்கலையாக உயர்த்தும் மசோதா, கடந்த
டிசம்பர் மாதம் ராஜ்யசபாவில் தாக்கல் செய்யப்பட்டது.
-

கடந்த புதன்கிழமை இந்த மசோதாவுக்கு ராஜ்ய சபா ஒப்புதல்
அளித்தது. நடப்பு பட்ஜெட் கூட்டத் தொடரின் கடைசி நாள்
என்பதால், உடனடியாக லோக்சபாவிலும் இந்த மசோதா தாக்கல்
செய்யப்பட்டு நிறைவேற்றப்பட்டது.
-

இந்த மசோதாவுக்கு அன்றைய தினமே ஜனாதிபதி பிரணாப் முகர்ஜி
ஒப்புதல் அளித்துவிட்டார்.


”ஒரே மசோதாவை படிக்க, எம்.பி.,க்களுக்கு அவகாசம் அளிக்க
வேண்டும். சில நேரங்களில், அதற்கு விலக்கு அளித்து மசோதாவை
இரு சபைகளிலும் தாக்கல் செய்ய முடியும்,” என, லோக்சபாவின்
முன்னாள் செயலர் பி.டி.டி.ஆச்சாரி தெரிவித்தார்.
–
————————–
தினமலர்