புதுச்சேரியில் மதுவிலக்கு இல்லை: காங்கிரஸ் திட்டவட்டம்

புதுச்சேரி:
புதுச்சேரியில் மதுவிலக்கை கொண்டு வரும் பேச்சுக்கே இடமில்லை என காங்.,மூத்த தலைவர் நாராயணசாமி தெரிவித்துள்ளார்.
-
புதுச்சேரி காங்கிரஸ் கட்சியின் தேர்தல் அறிக்கையை வெளியிட்டுப் பேசிய காங்.,மூத்த தலைவர் நாராயணசாமி, என்.ஆர்.காங்கிரஸ் ஆட்சியில், புதுச்சேரி மாநிலத்தின் சட்டம்-ஒழுங்கு சீர்கெட்டு விட்டதாக குற்றம் சாட்டினார்.
-
புதுச்சேரி காங்.தேர்தல் அறிக்கையில், ஏழை மாணவர்களின் கல்வி கடன் ரத்து, விவசாயிகளுக்கு தனி பயிர் காப்பீட்டு திட்டம், தியாகிகளுக்கு ரூ.10,000 வரை ஓய்வூதியம் உயர்வு, அனைத்து மருத்துவ மற்றும் பொறியியல் மாணவர்களுக்கு 50% இடஒதுக்கீடு தர சட்டப்பூர்வ நடவடிக்கை, ரேஷன் கடைகளில் 30 கிலோ இலவச அரிசி, 5 கிலோ கோதுமை வழங்கப்படும் போன்ற அம்சங்கள் இடம்பெற்றுள்ளது.
-
மேலும், புதுச்சேரியில் தொழிநுட்ப பூங்கா, மின்சாரக் கட்டணம் 50% குறைப்பு, இலவச செட் ஆப் பாக்ஸ், மீண்டும் உள்ளாட்சி தேர்தல் கொண்டு வரப்படும், ஒரு லட்சம் பெண்களுக்கு சுயதொழில் செய்ய வட்டியில்லா கடன் வழங்கப்படும் போன்ற அம்சங்களும் புதுச்சேரி காங்கிரஸ் தேர்தல் அறிக்கையில் இடம்பெற்றுள்ளது.