கொல்கத்தாவை வெளியேற்றியது ஹைதராபாத்

ஐபிஎல் கிரிக்கெட் போட்டியின் வெளியேற்றும் சுற்றில்
22 ரன்கள் வித்தியாசத்தில் கொல்கத்தா நைட் ரைடர்ஸை
தோற்கடித்தது சன்ரைஸர்ஸ் ஹைதராபாத்.
-
இந்த வெற்றியின் மூலம் இறுதிச்சுற்று வாய்ப்பை தக்க
வைத்துக் கொண்டது ஹைதராபாத். அதேநேரத்தில் இந்த
ஆட்டத்தில் தோற்ற கொல்கத்தா போட்டியிலிருந்து
வெளியேறியது.
-
தில்லியில் புதன்கிழமை நடைபெற்ற இந்த ஆட்டத்தில்
கொல்கத்தா அணியில் ஷகிப் அல்ஹசன், அங்கித் ராஜ்புட்
ஆகியோருக்குப் பதிலாக மோர்ன் மோர்கல்,
ராஜகோபால் சதீஷ் ஆகியோர் சேர்க்கப்பட்டனர்.
-
ஹைதராபாத் அணியில் கரண் சர்மா, கேன் வில்லியம்சன்
ஆகியோருக்குப் பதிலாக பிபுல் சர்மா, பென் கட்டிங்
ஆகியோர் இடம்பெற்றனர்.
-
டாஸ் வென்ற கொல்கத்தா அணி பீல்டிங்கை தேர்வு செய்தது.
இதையடுத்து பேட் செய்த ஹைதராபாத் அணியில்
ஷிகர் தவன் 10 ரன்கள் சேர்த்த நிலையில் மோர்கல் பந்து
வீச்சில் ஸ்டெம்பை பறிகொடுத்தார்.
-
இதையடுத்து டேவிட் வார்னருடன் இணைந்தார்
மோசஸ் ஹென்ரிக்ஸ். வழக்கமாக அதிரடியாக ஆடும் வார்னர்,
கொல்கத்தாவுக்கு எதிராக ரன் சேர்க்க முடியாமல் தடுமாறினார். அ
-
தேநேரத்தில் ஹென்ரிக்ஸ் அதிரடியாக ஆட, ஹைதராபாதின்
ஸ்கோர் உயர்ந்தது. 10-ஆவது ஓவரை வீசிய குல்தீப், இந்த
ஜோடியைப் பிரித்தார்.
-
3-ஆவது பந்தில் சிக்ஸரை விளாசிய ஹென்ரிக்ஸ், அடுத்த
பந்தில் குல்தீபிடம் கேட்ச் ஆனார். அவர் 21 பந்துகளில் 2 சிக்ஸர்,
1 பவுண்டரியுடன் 31 ரன்கள் சேர்த்தார். 5-ஆவது பந்தில் வார்னர்
போல்டு ஆனார். அவர் 28 பந்துகளில் 28 ரன்கள் எடுத்தார்.
-
இதன்பிறகு யுவராஜ் சிங்குடன் இணைந்தார் தீபக் ஹூடா.
இந்த ஜோடி 49 ரன்கள் சேர்த்தது. 13 பந்துகளைச் சந்தித்த
தீபக் ஹூடா 2 சிக்ஸருடன் 21 ரன்கள் எடுத்து ரன் அவுட்டானார்.
-
பின்னர் வந்த பென் கட்டிங் டக் அவுட்டாக, நமன் ஓஜா களம்
புகுந்தார். ஒரு புறம் விக்கெட் விழுந்தாலும், மறுமுனையில்
அசத்தலாக ஆடிய யுவராஜ் சிங் 6 ரன்களில் அரை சதத்தை நழுவ
விட்டார்.
-
30 பந்துகளில் 1 சிக்ஸர், 8 பவுண்டரிகளுடன் 44 ரன்கள் குவித்த
அவர், ஹோல்டர் பந்துவீச்சில் ஸ்வீப் ஷாட் ஆட முயன்று
ஸ்டெம்பை பறிகொடுத்தார்.
-
பின்னர் வந்தவர்களில் பிபுல் சர்மா ஆட்டமிழக்காமல்
6 பந்துகளில் 14 ரன்களை விளாச, 20 ஓவர்களில் 8 விக்கெட்
இழப்புக்கு 162 ரன்கள் குவித்தது ஹைதராபாத்.
-
கொல்கத்தா தரப்பில் குல்தீப் யாதவ் 3 விக்கெட்டுகளையும்,
மோர்கல், ஹோல்டர் ஆகியோர் தலா 2 விக்கெட்டுகளையும்
வீழ்த்தினர்.

-
கொல்கத்தா தோல்வி:
-
பின்னர் ஆடிய கொல்கத்தா அணியில் உத்தப்பா 11 ரன்களில்
ஆட்டமிழக்க, பின்னர் வந்த காலின் மன்றோ 16 ரன்கள் சேர்த்த
நிலையில் யுவராஜ் சிங்கின் துல்லியமான “த்ரோ’வில் ரன்
அவுட்டானார்.
-
இதன்பிறகு கேப்டன் கெளதம் கம்பீர் 28 ரன்களில் நடையைக்
கட்ட, கொல்கத்தாவின் சரிவு தவிர்க்க முடியாததானது.
-
இதன்பிறகு யூசுப் பதான் 2, சூர்யகுமார் 23 ரன்களில் வெளியேற,
மறுமுனையில் போராடிய மணீஷ் பாண்டே 28 பந்துகளில்
1 சிக்ஸர், 2 பவுண்டரிகளுடன் 36 ரன்கள் சேர்த்து ஆட்டமிழந்தார்.
இறுதியில் கொல்கத்தா அணியால் 20 ஓவர்களில் 8 விக்கெட்
இழப்புக்கு 140 ரன்கள் மட்டுமே எடுக்க முடிந்தது.
-
ஹைதராபாத் தரப்பில் புவனேஸ்வர் குமார் 4 ஓவர்களில்
19 ரன்களை மட்டுமே கொடுத்து 3 விக்கெட்டுகளை சாய்த்தார்.
ஹென்ரிக்ஸ் 3 ஓவர்களில் 17 ரன்களை கொடுத்து 2 விக்கெட்
எடுத்தார். ஹென்ரிக்ஸ் ஆட்டநாயகனாகத் தேர்வு
செய்யப்பட்டார்.
-

-
சுருக்கமான ஸ்கோர்
-
ஹைதராபாத்-162/8
யுவராஜ் சிங் 44 (30)
ஹென்ரிக்ஸ் 31 (21)
குல்தீப் யாதவ் 3வி/35
-
கொல்கத்தா-140/8
மணீஷ் பாண்டே .. 36 (28)
கௌதம் கம்பீர் 28 (28)
புவனேஸ்வர் குமார் 3வி/19
-
குஜராத்-ஹைதராபாத் நாளை மோதல்
-
தில்லியில் வெள்ளிக்கிழமை நடைபெறும் 2-ஆவது தகுதிச்சுற்றில்
சன்ரைஸர்ஸ் ஹைதராபாதும், முதல் தகுதிச்சுற்றில் தோற்ற
குஜராத்தும் மோதுகின்றன. இதில் வெற்றி பெறும் அணி
ஞாயிற்றுக்கிழமை நடைபெறும் இறுதிச்சுற்றில் பெங்களூரை
சந்திக்கும்.
–

தினமணி