எதிர்க்கட்சி தலைவர் ஸ்டாலின் ஜூன் 3ல் அதிகாரப்பூர்வ அறிவிப்பு

தமிழக சட்டசபை வரலாற்றில் இதுவரை இல்லாத அளவுக்கு,
89 எம்.எல்.ஏ.,க்களுடன் எதிர்க்கட்சி அந்தஸ்தை, தி.மு.க.,
பெற்றுள்ளது. தி.மு.க., சட்டசபை தலைவராக, அக்கட்சியின்
பொருளாளர் ஸ்டாலின், துணைத் தலைவராக துரைமுருகன்,
கொறடாவாக சக்கரபாணி ஆகியோர் தேர்வு
செய்யப்பட்டுள்ளனர்.
இதற்கான கடிதம், சட்டசபை செயலரிடம் வழங்கப்பட்டுள்ளது.

அதனடிப்படையில், தமிழக சட்டசபை எதிர்க்கட்சித் தலைவராக
ஸ்டாலின் நியமிக்கப்பட்ட தற்கான அறிவிப்பு, ஜூன், 3ம் தேதி,
முறைப்படி வெளியாகிறது.

இதுகுறித்து, சட்டசபை செயலக அதிகாரிகள் கூறியதாவது:

ஜூன், 3ல், சபாநாயகர் மற்றும் துணை சபாநாயகர் தேர்தல்
நடைபெறு கிறது. அன்று காலை, எதிர்க் கட்சி தலைவராக
ஸ்டாலின் நியமிக்கப்பட்டதற்கான அரசாணை வெளியிடப்படும்.

புதிய சபாநாயகரை, சபை முன்னவரும் எதிர்க்கட்சித் தலைவரும்
அழைத்து சென்று, சபாநாயகர் இருக்கையில் அமர வைப்பர்.

எதிர்க்கட்சித் தலைவராகும் ஸ்டாலினுக்கு, அரசு கார் வழங்கப்படும்.
ஒரு நேர்முக உதவியாளர், இரண்டு அலுவலக உதவியாளர்கள்,
ஒரு டிரைவர், அரசு சார்பில் வழங்கப்படும். சட்டசபை வளாகத்தில்
தனி அறையும் ஒதுக்கப்படும்.இவ்வாறு அவர்கள் தெரிவித்தனர்.
-
-------------------------------------------------
தினமலர்