அழகிரி - ஸ்டாலின் ஆதரவாளர்கள் மதுரையில் அடிதடி!

அழகிரி - ஸ்டாலின் ஆதரவாளர்கள் மதுரையில் அடிதடி!

மதுரை இன்று பொதுமேடையில் மு.க.அழகிரி ஆதரவாளர்களுக்கும், மு.க.ஸ்டாலின் ஆதரவாளர்களுக்கும் இடையில் அடிதடி மோதல் இடம்பெற்றது.மதுரை மாநகராட்சி நிர்வாக சீர்கேட்டை கண்டித்து இன்று மதுரை மாநகர் மாவட்ட தி.மு.க. சார்பில் மதுரை மீனாட்சி பஜாரில் கண்டன ஆர்ப்பாட்டம் நடைபெற்றது. இதில் ஏராளமான தி.மு.க.வினர் கலந்து கொண்டனர்.

ஆர்ப்பாட்டம் காலை 10 மணிக்கு தொடங்கியது. மேடையில் நகர் மாவட்ட செயலாளர் தளபதி, முன்னாள் எம்.எல்.ஏ. கவுஸ்பாட்சா, முன்னாள் அமைச்சர் பொன்முத்துராமலிங்கம், முன்னாள் துணை மேயர் மன்னன் ஆகியோர் நின்றனர்.

அப்போது மேடையில் நின்ற சிலர், கீழே நின்ற மாவட்ட முன்னாள் அவைத் தலைவர் இசக்கிமுத்துவை மேடைக்கு வரும்படி கூறினர். கட்சியில் இருந்து நீக்கப்பட்டு, சமீபத்தில் சேர்க்கப்பட்ட இசக்கி முத்துவை மேடைக்கு அழைக்கக்கூடாது என்று சிலர் கூறினர். இதனை தொடர்ந்து மு.க.ஸ்டாலின், மு.க.அழகிரி ஆதரவாளர்களுக்கு இடையே மோதல் ஏற்பட்டது. அவர்கள் அடிதடியில் ஈடுபட்டனர். இதனால் அங்கு பெரும் பரபரப்பு ஏற்பட்டது.

இதுபற்றிய தகவல் அறிந்ததும் அங்கு துணை போலீஸ் கமிஷனர் திருநாவுக்கரசு தலைமையில் ஏராளமான போலீசார் குவிக்கப்பட்டனர். இதனால் நகர் மாவட்ட செயலாளர் தளபதி, மாநகராட்சி நிர்வாக சீர்கேட்டை கண்டித்து கோஷம் எழுப்பி விட்டு சென்றார். இதனால் கண்டன ஆர்ப்பாட்டம் 3 நிமிடத்தில் முடிந்து விட்டது.

அதன் பின்பு அங்கு ஏராளமான தி.மு.க.வினர் நின்று கொண்டு இருந்தனர். அவர்களை போலீசார் கலைந்து செல்லும்படி கூறினர். இதைத்தொடர்ந்து அவர்கள் அங்கு இருந்து புறப்பட்டு சென்றனர். மதுரையில் நடந்த கண்டன ஆர்ப்பாட்டத்தில் தி.மு.க.வினரிடையே அடிதடி மோதல் ஏற்பட்ட சம்பவம் பெரும் பரபரப்பை ஏற்படுத்தி உள்ளது.

முதல்ல இவங்களுக்குள்ள இருக்குற குடும்ப சீர் கேட்ட சரி பண்ண சொல்லுங்க