பெண்ணாக மாறிய ஆண் துறவி:

பொறியியல் முதுகலை வகுப்பில் படித்து வந்த ஆண் ஒருவர்,
பெண்ணாக மாறி துறவறம் பூண்டார். அவர் தனது ஆன்மிகப்
பணிகளை மே 29-ஆம் தேதி முதல் காஞ்சிபுரத்தில் இருந்து
தொடங்குகிறார்.

எட்டயபுரம் பகுதியைச் சேர்ந்தவர் தங்கமுத்து ஜோதிகுமார் (29).
இவர் பொறியியல் பட்டப் படிப்பு முடித்துள்ளார். தொடர்ந்து
முதுகலைப் பட்டப் படிப்பு படித்துக் கொண்டிருந்தபோது,
அம்பிகை இவருடைய கனவில் வந்து ஆசிர்வதித்ததால், படிப்பை
பாதியில் நிறுத்தி விட்டு, பெண்ணுக்கான உடைகளை உடுத்திக்
கொண்டு துறவறம் பூண்டார்.

ஓங்கார ஆசிரமம் உள்ளிட்ட இடங்களில் கடந்த 7 ஆண்டுகளாக
ஆன்மிகப் பயிற்சி பெற்றார். தன்னுடைய பெயரையும் ராஜமாதா
பிரேமலதாதேவி என்று மாற்றிக் கொண்டார்.

இந்நிலையில் தனது ஆன்மிகப் பணிகளை காஞ்சிபுரத்தில்
இருந்து மே 29-ஆம் தேதி முதல் தொடங்குகிறார்.

இந்நிகழ்சிகளில் அப்பர் சுவாமிகள் திருமடம் சிவஞான தேசிக
பரமாச்சார்ய சுவாமிகள், தொண்டை மண்டல ஆதீன சுவாமிகள்
ஆகியோர் பங்கேற்கின்றனர்.

தமிழக பாஜக தலைவர் தமிழிசை சௌந்திரராஜன் பங்கேற்று
“இன்று வந்த சிறியநங்கை’ என்ற இவர் குறித்த நூலை வெளியிட்டு
பேசுகிறார்.

இந்நிகழ்வில் தமிழகத்தின் பல்வேறு பகுதிகளில் இருந்து பக்தர்கள்
பங்கேற்கின்றனர்.
–
————————————-
தினமணி

தகவலுக்கு நன்றி