தொழிலாளர்களைச் சுரண்டும் ஒரு நம்பர் லாட்டரி: விற்பனை தடுக்கப்படுமா?

கொரட்டூர், அம்பத்தூர் தொழிற்பேட்டையில் சட்ட விரோதமான
ஒரு நம்பர் லாட்டரி விற்பனை அமோகமாக நடைபெற்று
வருகிறது.

பாடியில் தொடங்கி அம்பத்தூர் வரை ஏராளமான
தொழிலாளர்கள் பணிசெய்யும் தொழிற்சாலைகள் உள்ளன.

இங்கு தினக்கூலிகள், வாரச்சம்பளம், மாதச்சம்பளம் வாங்கும்
தொழிலாளர்கள் பல்லாயிரக் கணக்கானோர் உள்ளனர்.

இந்நிலையில், கொரட்டூர்- அம்பத்தூர் தொழிற்பேட்டையில்
ஒரு நம்பர் லாட்டரி அமோகமாக விற்பனையாகிறது.
தொழிலாளர்களைக் குறிவைத்து ஒரு நம்பர் லாட்டரி சீட்டு
வியாபாரம் சட்ட விரோதமாக நடத்தப்படுகிறது.

இந்த லாட்டரிச் சீட்டின் விலை ரூ. 60. இதில் 3 இலக்க எண்களை
கையால் எழுதித் தருகிறார்கள். மதியம் 2 மணிக்குள் பணத்தைக்
கட்டி சீட்டு வாங்கிக்கொள்ள வேண்டும். மாலை 4 மணிக்குள்
குலுக்கல் முடிவு வந்துவிடும்.
-
குலுக்கல் முடிவின்படி, 3 இலக்க எண்ணில் 3 எண்களும் சரியாகத்
தேர்வு செய்திருந்தால் ரூ. 25,000 பரிசுத்தொகை, 2 இலக்கம் சரியாக
இருந்தால்

ரூ. 1,000, ஒரு இலக்கம் சரியாக இருந்தால் ரூ. 100 பரிசுத்தொகை
வழங்கப்படுகிறது.

இந்த பரிசுச் சீட்டை யார், எங்கிருந்து நடத்துகிறார்கள், யார்
முன்னிலையில் குலுக்கல் நடைபெறுகிறது, அவர்களின் முகவரி
என்ன என்று யாருக்கும் தெரியாது.

அம்பத்தூர் பேருந்து நிலையம் எதிரிலுள்ள வணிக வளாகத்தில்
இரண்டாவது மாடியில் இதனை எந்த அச்சமுமின்றி
நடத்துகிறார்கள். கொரட்டூரில் பாடி சந்திப்பிலும், யாதவாள்
தெரு சந்திப்பிலும் செல்போன் ரீசார்ஜ் கடையிலும் இதனை
நடத்துகிறார்கள்.

இதனால் கூலித் தொழிலாளிகள், ஆட்டோ ஓட்டுநர்கள், நடை
பாதை வியாபாரிகள் 100-க்கும் மேற்பட்டோர் பெருமளவில் ப
ணத்தை இழக்கிறார்கள்.

மாதந்தோறும் சம்பந்தப்பட்ட காவல்நிலையத்துக்கு "மாமூல்'
கொடுத்துவிடுவதால், இதனை அவர்கள் கண்டுகொள்வதில்லை
என்றும் மக்கள் புகார் கூறுகின்றனர்.

புதிதாகப் பொறுப்பேற்றுள்ள சென்னை மாநகரக் காவல்
ஆணையர் டி.கே.ராஜேந்திரன், ஒரு நம்பர் லாட்டரியை ஒழிக்க
கடும் நடவடிக்கை எடுக்க வேண்டும் என்பது பொதுமக்களின்
எதிர்பார்ப்பு.
-
----------------------------------------
தினமணி

பகிர்வுக்கு நன்றி