இந்தியாவின் டாப் கல்லூரி பட்டியல் வெளியீடு! நம்பர் ஒன் ஐஐடி மெட்ராஸ்; நம்பர் 2 லயோலா

இந்தியாவின் தலைசிறந்த 100 கல்வி நிறுவனங்களின் பட்டியலை
வெளியிட்டுள்ளது மத்திய மனித வளத்துறை அமைச்சகம்.
இப்பட்டியலில் தமிழ்நாட்டின் 22 கல்லூரிகள் இடம்பெற்றுள்ளது.

Chennai IIT, Loyola


மனித வளத்துறை அமைச்சர் பிரகாஷ் ஜவ்டேகர் இன்று
இந்தியாவின் தலைசிறந்த கல்லூரிகளின் பட்டியலை
வெளியிட்டுள்ளார். இதில் டாப் 100-ல் தமிழகத்தின்
22 கல்லூரிகளும், டாப் 20 பொறியியல் கல்லூரிகள்
பட்டியலில் 4 தமிழக கல்லூரிகளும் இடம்பெற்றுள்ளன.

இந்தியாவின் தலைசிறந்த பொறியியல் கல்லூரிகள்
பட்டியலில் ஐஐடி மெட்ராஸ் முதலிடம் பிடித்துள்ளது.
மேலும் சிறந்த கல்வி நிறுவனத்துக்கான ஒட்டுமொத்த
தரவரிசைப் பட்டியலில் ஐ.ஐ.டி மெட்ராஸ் இரண்டாம்
இடமும், அண்ணா பொறியியல் கல்லூரி 13-ம் இடமும்
பிடித்துள்ளன.

தமிழ்நாடு வேளாண் பல்கலைக்கழகத்துக்கு 17-ம் இடம்
கிடைத்துள்ளது. சிறந்த கல்லூரிக்கான பட்டியலில் சென்னை
லயோலா கல்லூரி இரண்டாம் இடம் பிடித்துள்ளது.

தனியார் பொறியியல் கல்லூரிகளில் விஐடி இந்திய அளவில்
13-ம் இடமும் தமிழகத்தில் முதலிடமும் பிடித்துள்ளது.
-
------------------------------
-விகடன்