ஸ்ரீராம், கதாநாயகனாக அறிமுகமாகும் படம் “பைசா.’

-
“பசங்க’, “கோலி சோடா’, “பாபநாசம்’ என படத்துக்குப் படம்
வரவேற்பைப் பெற்ற ஸ்ரீராம், கதாநாயகனாக அறிமுகமாகும்
படம் “பைசா.’

தமிழன் படத்தை இயக்கிய மஜீத் இப்படத்தை எழுதி இயக்குகிறார்.
சென்னையில் குப்பை பொறுக்கும் இளைஞனின் வாழ்வையொட்டிய
கதையாக திரைக்கதை அமைக்கப்பட்டுள்ளது.

அரசியல், சமூகம், விளிம்பு நிலை மனிதர்களின் வாழ்க்கை என
பல தரப்பட்ட அம்சங்களை கொண்டதாக படம் உருவாகி வருகிறது.
கதாநாயகனாக அறிமுகமாவது குறித்து ஸ்ரீராம்… “”பசங்க’ படத்தில்
சிறுவனாகவும், “கோலி சோடா’ படத்தில் சற்று வளர்ந்த
பையனாகவும் நடித்தேன்.

இப்போது கதாநாயகனாக நடிக்கிறேன். முதல் படத்திலேயே
அனைவரின் கவனத்தையும் ஈர்க்க வேண்டும் என்பதற்காக
பல வித சிரமங்கள் எடுத்து இந்த கதாபாத்திரத்தில் நடித்து வருகிறேன்.

-

-
நாசர் போன்ற மூத்த அனுபவசாலிகள் இதில் இருந்தது இன்னும்
எனக்கு உதவியாக இருந்தது. குப்பையை ரோட்டில் வீசுவதால் ஏற்படும்
பாதிப்புகளைச் சொல்லும் விதத்தில், விழிப்புணர்வு ஏற்படுத்தும்
படமாகவும் இது இருக்கும்” என்றார் ஸ்ரீராம்.
–
————————————
தினமணி