வி.ஐ.பி., மரியாதை வேண்டாம் : ரொம்ப கூச்சமாக உள்ளது'

''எம்.பி.,யும் சாதாரண மனிதர்கள்தான்;
வி.ஐ.பி., போல் நடத்த வேண்டாம், ரொம்ப கூச்சமாக இருக்கிறது,''
என, ஆச்சரியப்படுத்துகிறார் மத்திய பிரதேசத்தில் இருந்து,
சமீபத்தில் ராஜ்யசபாவுக்கு தேர்ந்தெடுக்கப்பட்ட காங்கிரஸ் எம்.பி.,
விவேக் தங்கா.

வழக்கறிஞரான தங்கா, 'ஸ்பைஸ்ஜெட்' விமான நிறுவன தலைமை
செயல் அதிகாரி அஜய் சிங்குக்கு ஒரு கடிதம் எழுதியுள்ளார்; அதில்
அவர் கூறியுள்ளதாவது:

சமீபத்தில் ஜபல்பூரில் இருந்து டில்லிக்கு விமானத்தில் சென்றேன்.
என்னுடன், பா.ஜ., லோக்சபா எம்.பி., ராகேஷ் சிங்கும் வந்தார்.
விமானத்துக்கு செல்லும் பஸ்சில், எங்களை மட்டும் ஏற்றிச் சென்றனர்.
மற்ற பயணிகளை, தனி பஸ்சில் அழைத்து வந்தனர்; இது எனக்கு
சங்கடமாக உள்ளது. அனைத்து பயணிகளையும் ஒரே மாதிரியாக நடத்த
வேண்டும்.

-

மருத்துவக் காரணங்கள் அல்லது வயதானவர்களுக்கு சலுகைகள்
அளியுங்கள். எம்.பி., என்பதால், வி.ஐ.பி., மரியாதை அளிக்க வேண்டாம்;
இதை உடனடியாக நிறுத்த வேண்டும். நாம் ஜனநாயக நாட்டில் உள்ளோம்.
இங்கு அனைவரும் சமமே. இந்த வி.ஐ.பி., மரியாதை வேண்டாம்;
ரொம்ப கூச்சமாக உள்ளது. இவ்வாறு அவர் கூறியுள்ளார்.
-
-------------------------------------
தினமலர்