இருளுக்கான தவம்

by rammalar Mon Jul 11, 2016 4:52 pm

*பரந்த இருளின்
ஒரு பகுதிதான் என்றாலும்
வேறுபாடு தெரியவில்லை
அறையின் இருளில்
சுரீரென்று பற்றிய
ஒற்றைத் தீக்குச்சியின் மீது
அத்தனை இருளும்
தொற்றிக்கொள்ள யத்தனிக்கிறது
-
சுடர் நோக்கி படையெடுத்த வண்டுகள்
சுடச்சுட பொரிந்து மாய்ந்தன
சிறிய வெளிச்சத்தில்தான்
பெரிய பெரிய நிழல்கள்
செதுக்கப்பட்ட உயிர் இருளாய்
நடை பயில்கின்றன
-
திடீரென்று வந்த
மின்சார வெளிச்சத்திற்குப் பிறகு
மெழுகுவர்த்தியை ஊதி அணைப்பதற்கு
கடும் போட்டி நடக்கிறது
மின்விசிறிக்கும் குழந்தைகளுக்கும்

by rammalar Mon Jul 11, 2016 4:54 pm

-
எரிந்து உருகிய
மெழுகின் காலடியில்
இன்னொரு இருளுக்கான தாகம்
தங்கிக் கிடக்கிறது!
-
--------------------------
கு.திரவியம்
குங்குமம்

இருளுக்கான தவம்

இருளுக்கான தவம்

Re: இருளுக்கான தவம்