திருநங்கைகள் பாதுகாப்பு மசோதாவை நாடாளுமன்றத்தில் அறிமுகப்படுத்த மத்திய அமைச்சரவை ஒப்புதல்

மத்திய அமைச்சரவை இன்று பல்வேறு மசோதாக்களுக்கு ஒப்புதல் வழங்கியுள்ளது. மத்திய அமைச்சரவைக் கூட்டம் இன்று மாலை நடந்தது. இக்கூட்டத்தில் திருநங்கைகள் பாதுகாப்பு சட்ட மசோதாவை தாக்கல் செய்ய ஒப்புதல் அளிக்கப்பட்டது.

மேலும் உத்திரபிரதேச மாநிலத்தில் 1,011 கோடி ரூபாய் செலவில் எய்ம்ஸ் மருத்துவமனை அமைப்பதற்காக மசோதா, இந்தியா - மொசாம்பி இடையே விமான போக்குவரத்திற்கான மசோதா, கேரள மாநிலம் கொச்சியில் 1,799 கோடி ரூபாய் செவில் உலர் துறைமுக திட்டம் அமைப்பதற்கான மசோதா, பினாமி மூலம் சொத்து சேர்ப்பதை தடுப்பதற்கான மசோதா உள்ளிட்ட மசோதாக்கள் நிறைவேற்றப்பட்டுள்ளன.

திருநங்கைகளுக்கான உரிமைகளை பாதுகாக்க வகை செய்யும் இந்த மசோதா இந்த கூட்டத்தொடரிலேயே தாக்கல் செய்யப்பட்டு நிறைவேற்றப்பட வாய்ப்பு உள்ளதாக தெரிகிறது.
-
தினமணி