ஜி.எஸ்.டி., சட்ட திருத்த மசோதாவிற்கு மத்திய அமைச்சரவை ஒப்புதல்

புதுடில்லி:
ஜி.எஸ்.டி. சட்ட திருத்த மசோதாவிற்கு மத்திய அமைச்சரவை
ஒப்புதல் வழங்கியுள்ளது.

மறைமுக வரிவிதிப்பை சீர்படுத்தி நாடு முழுவதும் ஒரே
மாதிரியான வரி விதிப்பை கொண்டு வர பா.ஜ., அரசு சரக்கு
மற்றும் சேவை வரி விதிப்பு (ஜி.எஸ்.டி.) சட்ட திருத்த மசோதாவை
நிதியமைச்சர் தாக்கல் செய்திருந்திருந்தார்.

உள்நாட்டில் உற்பத்தி செய்யும் பொருட்களை சந்தையில் விற்கும்
போது கலால் வரி, சேவை வரி, மற்றொரு மாநிலத்திற்கு கொண்டு
செல்லும் போது நுழை வரி மதிப்பு கூட்டு வரி உள்ளிட்ட பல வரிகள்
விதிக்கப்பட்டு வருகிறது.

மேலும் இறக்குமதி செய்யப்படும் பொருட்களுக்கு சுங்க வரிகளும்
விதிக்கப்படுகிறது. இப்படி வரிமேல் வரி விதிக்கப்படுவது வரி
கட்டமைப்பை சீர் கு குறைப்பதாகவும், அந்த சுமை பொதுமக்கள்
மீதே கடைசியில் ஏற்றப்படுவதாகவும், இதனால் பொருளாதாரத்தில்
பாதகமான விளைவுகள் ஏற்படுவதாகவும் சந்தை வல்லுநர்கள்
கருத்து கூறிவந்தனர்.

இதையடுத்து மத்திய மாநில அரசுகள் விதிக்கும் மறைமுக வரிகளை
ஒன்றிணைத்து சீர்படுத்தி ஒரே வரியாக செயல்முறைப்படுத்தும்
நடவடிக்கையை முன் வைத்து ஜி.எஸ்.டி., வரியை பா.ஜ.க அரசு கொண்டு
வந்தது.

இந்த சட்ட திருத்த மசோதாவிற்கு மாநில அரசுகளிடம் உடன்பாடு
ஏற்படவில்லை. பா.ஜ., ஆளும மாநிலங்களை தவிர மற்ற மாநிலங்கள்
இதற்கு பல்வேறு எதிர்ப்புகளை கிளம்பி வருகின்றன.

இந்ந இந்த மசோதா ஏற்கனவே மக்களவையில் நிறைவேற்றப்பட்ட
நிலையில், மேலவையில் பா.ஜ., கூட்டணிக்கு பெரும்பான்மை இல்லதாதால்
மேலவையில் நிறைவேற்ற முடியாமல் இருந்து வருகிறது.
இந்நிலையில் இந்த மசோதாவை மேலவையில் நிறைவேற்ற காங்., சார்பில்
கூடுதல் 1% வரி விதிப்பை குறைத்து திருத்தம் மேற்கொள்ள கோரப்பட்டது.

இந்நிலையில் காங்., கோரிய சட்ட திருத்தம் உட்பட பல்வேறு சட்ட
திருத்தங்களுக்கு தற்போது மத்திய அமைச்சரவை ஒப்புதல் வழங்கியுள்ளது.
-
----------------------------

தினமலர்