அன்னை தெரசாவுக்கு புனிதர் பட்டமளிக்கும் விழாவில் சுஷ்மா

புதுடில்லி :
வாடிகன் நகரில் அன்னை தெரசாவுக்கு புனிதர்
பட்டமளிக்கும் விழாவில், சுஷ்மா சுவராஜ் தலைமையிலான
இந்தியக் குழுவினர் பங்கேற்க உள்ளனர்.

தென்கிழக்கு ஐரோப்பிய நாடான அல்பெனானில் பிறந்து,
இந்தியாவின் கோல்கட்டாவுக்கு வந்து, அங்குள்ள ஏழை
மக்களுக்காக, தன் வாழ்வை அர்ப்பணித்து பணியாற்றியவர்,
அன்னை தெரசா.

தன் சமூகப் பணிகளுக்காக, 'சாரிட்டீஸ் ஆப் மிஷனரீஸ்' என்ற
அமைப்பை, அவர் ஏற்படுத்தினார். 1997ல், தன், 87வது வயதில்
மரணம் அடைந்த அவர், 1979ல், அமைதிக்கான நோபல் பரிசை
பெற்றுள்ளார்.

அன்னை தெரசாவுக்கு, புனிதர் பட்டம் வழங்கும் நடவடிக்கையாக,
2003ல் அவரை, 'சொர்க்கத்துக்குச் செல்ல ஆசிர்வதிக்கப்பட்டவர்'
என அறிவித்தார், அப்போதைய போப் இரண்டாம் ஜான் பால்.
கடந்த 1998ல், உடல்நலக் குறைவால் பாதிக்கப்பட்டிருந்த, மேற்கு
வங்கத்தைச் சேர்ந்த, பழங்குடியின பெண்ணை குணமடையச்
செய்து அற்புதம் நிகழ்த்தினார்.

பின், 2008ல், மூளை புற்றுநோயால் பாதிக்கப்பட்ட, பிரேசிலைச்
சேர்ந்தவரை குணமடையச் செய்து, இரண்டாவது அற்புதத்தை
நிகழ்த்தியதாகவும் கூறி, அவருக்கு புனிதர் பட்டம் வழங்க,
போப் பிரான்சிஸ் ஒப்புதல் தெரிவித்து உள்ளார்.

அன்னை தெரசா இறந்து, 19 ஆண்டுகளுக்குப் பின், வாடிகன் நகரில்
அவருக்கு புனிதர் பட்டம், செப்., 4ம் தேதி வழங்கப்பட உள்ளது.
இதில் கலந்து கொள்வதற்காக வெளியுறவுத் துறை அமைச்சர்
சுஷ்மா சுவராஜ் தலைமையில் இந்தியக் குழுவினர் வாடிகன்
செல்கின்றனர்.

இக்குழுவில் இடம்பெறுபவர்கள் இறுதி செய்யப்பட்டு வருவதாக
வெளியுறவுத் துறை செய்தித் தொடர்பாளர் விகாஸ் ஸ்வரூப்
தெரிவித்தார்.
-
இவ்விழாவில் டில்லி முதல்வர் அரவிந்த் கெஜ்ரிவால்,
மேற்கு வங்க முதல்வர் மம்தா பானர்ஜி ஆகியோர் கலந்து கொள்வர்
எனத் தெரியவருகிறது.
-
-----------------------------------------
தினமலர்