66வது முறையாக கண்ணாடி உடைந்து விபத்து

சென்னை :
சென்னை விமான நிலையத்தில் 66வது முறையாக
கண்ணாடி உடைந்து விபத்து ஏற்பட்டது.

சென்னை விமான நிலையத்தில் உள்நாட்டு முனையம்,
வெளிநாட்டு முனையம் பகுதியில் கண்ணாடி அடிக்கடி
உடைந்து விழுந்து வருகின்றன.

இதுவரை 65 முறை கண்ணாடி உடைந்து விபத்து ஏற்பட்டுள்ளது.
இதைத் தடுக்க அதிகாரிகள் நடவடிக்கை எடுத்து வருகின்றனர்.

இந்நிலையில் சென்னை விமான நிலையத்தின் உள்நாட்டு
முனையத்தின் 15, 16வது நுழைவு வாயில் அருகே உள்ள
20 அடி உயர கண்ணாடி உடைந்து விழுந்து விபத்துக்குள்ளானது.
இது அங்கு நடைபெறும் 66வது விபத்து.

இச்சம்பவத்தால் யாருக்கும் காயம் ஏற்படவில்லை.
இதுகுறித்து அதிகாரிகள் விசாரணை நடத்தி வருகின்றனர்.
-
-------------------------
தினமலர்