மாயமான விமானத்தைத் தேட வருகிறது”சமுத்திர ரத்னாகர்’ ஆய்வுக் கப்பல்

[img][/img]
-
சென்னை அருகே மாயமான விமானத்தைத் தேடுவதற்கு
மத்திய புவியியல் ஆராய்ச்சித் துறையின்
“சமுத்திர ரத்னாகர்’ கப்பல் ஒரு சில நாள்களில் வர உள்ளது.

இதுகுறித்த விவரம்:

சென்னை அருகே கடந்த 22ஆம் தேதி மாயமான
ஏ.என்.32 வகை விமானத்தைத் தேடும் பணியில் கடந்த
ஒரு வாரமாக எவ்வித குறிப்பிடத்தக்க முன்னேற்றமும்
ஏற்படவில்லை. இந்த நிலையில் விமானத்தைத் தேடும்
பணியில், மத்திய அரசின் தேசிய கடல்சார் ஆராய்ச்சி
மையத்துக்குச் சொந்தமான ஆராய்ச்சிக் கப்பல்
சாகர்நிதியை விரைவில் ஈடுபடுத்தப்பட திட்டமிடப்
பட்டுள்ளது.
புவியியல் துறை ஆராய்ச்சிக் கப்பல்: இதனிடையே,
தேடுதல் வேட்டையில் மேலும் ஒரு ஆராய்ச்சிக் கப்பலை
ஈடுபடுத்த பாதுகாப்புத் துறை அதிகாரிகள் முடிவு
செய்துள்ளனர். இதன்படி ஆழ்கடல் ஆராய்ச்சிக்குப் பயன்
படுத்தப்படும் புவியியல் ஆராய்ச்சித் துறைக்கு சொந்தமான
“சமுத்திர ரத்னாகர்’ கப்பலை, மீட்புப் பணிக்கு பயன்படுத்த
முடிவு செய்யப்பட்டுள்ளது.

மங்களூரு துறைமுகத்தில் இருக்கும் இந்தக் கப்பல், மீட்புப்
பணிக்கு ஒரு சில நாள்களில் வந்து சேரும் என எதிர்
பார்க்கப்படுகிறது.

இதில் பொருத்தப்பட்டிருக்கும் அதிநவீன கருவி, கடலுக்கு
அடியில் பல நூறு மீட்டர் ஆழத்தில் உள்ள பொருள்களின்
மாதிரியை எடுத்து வரும் திறன் உள்ளதாம்.
அதோடு எண்ணெய் கழிவுகளைகூட இந்த கருவியினால்
எடுத்து வர முடியுமாம்.

தேடுதல் பணியில் நிருபக்:
இதேபோல், கடற்படைக்கு சொந்தமான “நிருபக்’ என்ற
ஆராய்ச்சிக் கப்பலும், இரு நாள்களாக மீட்புப் பணியில்
ஈடுபடுத்தப்பட்டு வருகிறது. இதில் கடலுக்கடியில் இயங்கும்
தானியங்கி இயந்திரம் உள்ளது.

இந்த கருவி, விமானம் விழுந்ததாகக் கருதப்படும் கடல்
பகுதியில் பயன்படுத்தப்பட்டு வருகிறது.
–
——————————-
தினமணி