நெய்வேலியில் சூரிய சக்தி மின் நிலையத்துக்கு அடிக்கல்

by rammalar Sat Jul 30, 2016 9:28 am

[img]

நெய்வேலியில் சூரிய சக்தி மின் நிலையத்துக்கு அடிக்கல் Rt3hqo

[/img]
-
நெய்வேலியில் சூரிய சக்தி மின்நிலையம் அமைப்பதற்கான அடிக்கல் நாட்டு விழாவில் பங்கேற்ற என்எல்சி இயக்குநர்கள் (வலமிருந்து இடம்) செல்வக்குமார், சுபீர்தாஸ், ராக்கேஷ்குமார் மற்றும் ஊழியர்கள்.
————-
நெய்வேலியில் சூரிய சக்தி மின்நிலையம் அமைப்பதற்கான அடிக்கல் நாட்டு விழா வெள்ளிக்கிழமை நடைபெற்றது.

நெய்வேலி என்எல்சி நிறுவனம், காற்றாலை மற்றும் சூரிய ஒளி மூலம் மின் உற்பத்தி செய்யும் புதுப்பிக்கவல்ல எரிசக்தித் துறையை விரிவுபடுத்த பல புதிய திட்டங்களை செயல்படுத்தி வருகிறது.

இந்த நிறுவனம், நெய்வேலி, ராஜஸ்தான், தூத்துக்குடி ஆகிய இடங்களில் 4,340 மெகாவாட் திறன்கொண்ட அனல்மின் நிலையங்களைச் செயல்படுத்தி வருகிறது.

பழுப்பு நிலக்கரி, நிலக்கரி மூலம் இயங்கும் அனல் மின் நிலையங்கள் மட்டுமல்லாது, காற்றாலை மற்றும் சூரிய சக்தி மூலம் மின் உற்பத்தி செய்யும் மின் நிலையங்களையும் அமைத்து வர்த்தகத்தை விரிவுபடுத்தி வருகிறது.

இந்த நிலையில், சுமார் 4,000 மெகாவாட் திறன்கொண்ட பசுமை ஆற்றல் மின் நிலையங்களை அமைக்க என்எல்சி நிறுவனம் நடவடிக்கை எடுத்து வருகிறது. இதில் முதல்கட்டமாக அந்தமான் நிகோபார் தீவுகளில் 50 மெகாவாட் சூரிய சக்தி மின் நிலையம் அமைக்க கடந்த மே மாதம் அடிக்கல் நாட்டப்பட்டது.

இதன் தொடர்ச்சியாக நெய்வேலி வட்டம் 1, 5 பகுதிகளில் 130 மெகாவாட் திறன் கொண்ட (மணிக்கு 1.30 லட்சம் யூனிட்) சூரிய சக்தி மின் நிலையங்கள் அமைக்க பணி ஆணை வழங்கப்பட்டு பூர்வாங்கப் பணிகள் நடைபெற்று வருகின்றன. இந்தப் பணிகளை புது தில்லியைச் சேர்ந்த ஜாக்சன், பாரத மிகுமின் நிறுவனங்கள் செய்து வருகின்றன.

இந்த நிலையில், நெய்வேலி வட்டம் 1-இல் மேற்கொள்ளப்படும் 65 மெகாவாட் சூரிய சக்தி மின் நிலையத்துக்கான அடிக்கல் நாட்டு விழா வெள்ளிக்கிழமை நடைபெற்றது. என்எல்சி நிறுவன இயக்குநர்கள் ராக்கேஷ்குமார் (நிதித் துறை), சுபீர்தாஸ் (சுரங்கம்), செல்வக்குமார் (திட்டம் மற்றும் செயலாக்கத் துறை) ஆகியோர் பங்கேற்று அடிக்கல் நாட்டினர்.

நிகழ்ச்சியில் என்எல்சி நிறுவன அதிகாரிகள், ஊழியர்கள் கலந்து கொண்டனர்.

தினமணி