அமெரிக்காவில் போக்கிமோன் கோ விளையாட்டு ஆர்வத்தில் குழந்தையை தனியாக தவிக்க விட்டு சென்ற தம்பதி கைது

by rammalar Wed Aug 03, 2016 4:07 pm

[img]

அமெரிக்காவில் போக்கிமோன் கோ விளையாட்டு ஆர்வத்தில் குழந்தையை தனியாக தவிக்க விட்டு சென்ற தம்பதி கைது 2jcfskj

[/img]

-
அரிசோனா: போக்கிமோன் கோ விளையாட்டினால் பல்வேறு விபத்துகள் ஏற்பட்டு வரும் நிலையில் மேலும் ஒரு அதிர்ச்சி சம்பவம் அமெரிக்காவில் நடந்துள்ளது.
-
போக்கிமோன் கோ விளையாட்டில் உள்ள மோகத்தால் 2 வயது குழந்தையை வீட்டில் தனியாக தவிக்கவிட்டுச் சென்ற தம்பதியால் அதிர்ச்சி ஏற்பட்டுள்ளது. உலகமெங்கும் அனைவரது கவனத்தை ஈர்த்த போக்கிமேன் கோ கேம், பலரை அடிமையாக்கியும் விட்டது.
-
ஏற்கனவே இந்த விளையாட்டு மூலம் பல்வேறு சாலை விபத்துகள் ஏற்பட்டுள்ள நிலையில் தற்போது அமெரிக்காவின் அரிசோனா மாகாணத்தில் ப்ரெண்ட் டாலே (27) மற்றும் சாண்ராவின் டாலே (25) தம்பதியினர் தங்களது 2 வயது குழந்தையை தனியாக தவிக்கவிட்டு போக்கிமோன் கோ விளையாடுவதற்காக சென்றுவிட்டனர்.
-
இரவு 10.30 மணிக்கு வீட்டில் வெப்பம் மிகுந்த சூழ்நிலையில் 90 நிமிடங்கள் தண்ணீர் இல்லாமல் தனியாக விட்டுவிட்டு காரில் சென்றுவிட்டனர்.
–
பெற்றோர் இல்லாத நிலையில் குழந்தை தொடர்ந்து அழுதபடி வீட்டை விட்டு வெளியே வர முயற்சித்துள்ளது. இதனை பார்த்த அக்கம்பக்கத்தினர் போலீசுக்கு தகவல் அளித்துள்ளனர். சம்பவ இடத்திற்கு விரைந்து வந்த போலீசார் குழந்தையை மீட்டுள்ளனர். பின்னர் குழந்தையை தனியாக விட்டு போக்கிமோன் கோ விளையாடுவதற்காக சென்ற தம்பதிகளை போலீசார் கைது செய்தனர்.
–
தினகரன்