ஆம் ஆத்மி எம்.எல்.ஏ.க்கு ரூ. 130 கோடி சொத்து

புதுடில்லி:
ஆம் ஆத்மி கட்சி எம்.எல்.ஏ.வுக்கு ரூ. 130 கோடி
அளவிற்கு சொத்து சேர்த்திருப்பதாக வருமான வரித்துறை
நடத்திய விசாரணையில் தெரியவந்துள்ளது.

டில்லியில் ஆம் ஆத்மி கட்சி ஆட்சி நடக்கிறது.
முதல்வர் அரவிந்த் கெஜ்ரிவால் உள்ளார். ஊழலுக்கு
எதிரான இயக்கம் தொடங்கிய கெஜ்ரிவால் அந்த
இயக்கத்தை கட்சியாக மாற்றி அரசியலில் குதித்தார்.
தற்போது டில்லி மாநில முதல்வராக உள்ளார்.

இவர்து கட்சியின் தெற்கு டில்லி மெகரூலி தொகுதி
எம்.எல்.ஏ.வாக இருப்பவர் கர்டார்சிங், 54, இவர் ரியல்
எஸ்டேட் நிறுவனம் மற்றும் பல்வேறு நிறுவனங்களை
நடத்தி வருகிறார்.

கடந்த மாதம் வருமான வரித்துறையினர் இவரது வீடு,
அலுவலகங்களில் திடீர் சோதனை நடத்திய ஏராளமான
ஆவணங்களை அள்ளிச்சென்று ஆய்வு செய்தனர்.

இதில் வரி ஏய்ப்பு செய்து ரூ. 130 கோடி அளவிற்கு பினாமி
பெயரில் சொத்துக்கள் , பண்ணை வீடுகள் வைத்துள்ளதும்,
பெரிய நிறுவனங்களில் முதலீடு செய்துள்ளதும்
விசாரணையில் தெரியவந்துள்ளது.
-
------------------------------------
தினமலர்