புகுந்த வீடு

[img][/img]
-

பொங்கலுக்கும்
தீபாவளிக்கும்
பிறந்த வீட்டுக்குப்
புறப்படுவதை
நினைத்தாலே
ஊற்றெடுக்கும் உற்சாகம்
-
நல்லி எலும்பு சூப்பு
நாட்டுக்கோழி வறுவல்
விரால் மீன் குழம்பு
-
அம்மா வீட்டில்தான்
எல்லாமே கிடைக்கும்
அளவின்றியும்
அமுதமாகவும்
-
துவைக்கவோ
பெருக்கவோ
அவசியமில்லை
அம்மா வீட்டில்
-
புகுந்த வீட்டில்
மாதக் கடைசிக்கு பயந்து
செலவை இறுக்கிப்
பிடிப்பது போல்
பிறந்த வீட்டில்
இருந்ததில்லை
ஒருபோதும்
-
பை துழாவி
பணம் தருவார் அப்பா
அண்ணன்களும்
கொடுப்பார்கள்
கைச்செலவுக்கு
-
அம்மாவீட்டு சும்
இங்கே கிடைப்பதில்லை
-
பிறந்த வீடு
புகுந்த வீடு
என்பது
பெண்ணுக்கு மட்டுமல்ல...
-
பிழைப்பு தேடி
பட்டணம் வந்த
பையன்களுக்கும்தான்.
-
------------------------
கோவி லெனின்
வேப்பங்காற்று - கவிதை தொகுப்பிலிருந்து
படம்- இணையம்