வான் தாக்குதலுக்கு தயாராகிறதா பாக்.,: டுவிட்டரில் மூத்த பத்திரிகையாளர் வெளியிட்ட பரபரப்பு தகவல்

இஸ்லாமாபாத்:
பாகிஸ்தானில் இஸ்லாமாபாத் நகர் மீது அந்நாட்டு போர்
விமானங்கள் பறந்ததாகவும் இதனால் பீதியில் மக்கள் வீடுகளில்
இருந்து வெளியேறியதாகவும் பாக்., மூத்த பத்திரிகையாளர் ஒருவர்
டுவிட்டரில் செய்தியை வெளியிட்டு பரபரப்பை ஏற்படுத்தியுள்ளார்.
-
ஐ.நா.,சபை பொதுக்கூட்டத்தில் பங்கேற்க நியூயார்க் சென்றிருந்த
பாக்.பிரதமர் நவாஸ் ஷெரீப், காஷ்மீர் விவகாரத்தில் ஐ.நா., தலையிட
வேண்டும் என, ஐ.நா. பொதுச்செயலாளர் பான் கீ மூனிடம்
வலியுறுத்தினார். இதனை ஏற்காத பான் கீ மூன் இந்த விவகாரத்தில்
நாங்கள் தலையிட முடியாது.
-
உங்கள் பிரச்னையை இந்தியாவிடமே பேசி தீர்த்துக்கொள்ளுங்கள்
என திட்டவட்டமாக தெரிவித்தார்.
-
இதற்கிடையே காஷ்மீரின் யூரி ராணுவ முகாம் மீது நடந்த தாக்குதலால்
கடுங்கோபம் அடைந்துள்ள இந்தியா, பாக்., மீது எந்நேரமும் வான்
தாக்குதல் நடத்தலாம் என்ற அச்சம் பாகிஸ்தானுக்கு ஏற்பட்டதாக
தகவல்கள் தெரிவிக்கின்றன. இந்த சூழ்நிலையில் பாக். மூத்த
பத்தரிகையாளர் ஹமீத் மிர், சமூக வலைதளமான டுவிட்டரில் பரபரப்பு
செய்தியை வெளியிட்டார்.
-
அதில், பாகிஸ்தானின் விமானப்படைக்கு சொந்தமான எப்.16 ரக ஜெட்
போர் விமானங்கள் , இஸ்லாமாபாத் நகரில் வானில் வட்டமிட்டு பறந்து
தயார் நிலையில் உள்ளன. இதனால் இஸ்லாமாபாத் நகரில் உள்ள
பொதுமக்கள் பீதியில் வீட்டை விட்டு வெளியேறி பாதுகாப்பான
இடங்களுக்கு சென்றனர். போர்விமானங்கள் தயார்நிலையில் உள்ளதை
அடுத்து இஸ்லாமாபாத், பெஷாவர் தேசிய நெடுஞ்சாலை மூடப்பட்டது.
-
வடக்கு மாகாணங்களிலும் விமானபடை தளங்கள் உஷார்
படுத்தப்பட்டுள்ளன. இவ்வாறு டுவிட்டரில் ஹமித் மிர் செய்தி வெளியிட்டு
பரபரப்பினை ஏற்படுத்தியுள்ளார்.
-
--------------------------------
தினமலர்