மின் டவரில் ஏறி இளம்பெண் மிரட்டல்

திருப்பூர்:
உறவினர்களுடன் ஏற்பட்ட தகராறால்,
மனம் வெறுத்து போன இளம்பெண், மின்சார டவரில் ஏறி
தற்கொலை மிரட்டல் விடுத்தார்.
-
திருப்பூரை சேர்ந்த குமாரசாமியின் மனைவி சங்கீதா, 23.
குமாரசாமி வீட்டுக்கு, 16 அடி பொது பாதை உள்ளது. இவ்வழியே
கம்பம் அமைத்து, மின் இணைப்பு கொடுக்கவும், குழாய்
பதிக்கவும், நில உரிமையாளர்களான குமாரசாமியின்
உறவினர்கள் எதிர்ப்பு தெரிவித்தனர்.
-
அதிகாரிகளிடம் புகார் அளித்தும், நடவடிக்கை இல்லை.
மனம் வெறுத்த சங்கீதா, நேற்று மதியம், 12:00 மணியளவில்,
அங்குள்ள உயர் அழுத்த மின் டவரில் ஏறி, கத்தியால் கழுத்தை
அறுத்து கொள்வதாக, தற்கொலை மிரட்டல் விடுத்தார்.
-
போலீசார் மற்றும் தீயணைப்பு துறையினர் சமாதானம் செய்தும்,
சங்கீதா, 'இறங்கி' வரவில்லை. 'மின் இணைப்பு வழங்க,
உறவினர்கள் எழுத்துப்பூர்வமாக உறுதியளிக்க வேண்டும்' என,
வலியுறுத்தினார். உரிய நடவடிக்கை எடுப்பதாக, போலீசாரும்,
மின் வாரியத்தினரும் உறுதி அளித்ததை அடுத்து, சங்கீதா கீழே
இறங்கினார்.
-
இரண்டரை மணி நேர பரபரப்பு, முடிவுக்கு வந்தது.
-
---------------------------------------------
தினமலர்