பிகாரில் மதுவிலக்கு ரத்து: பாட்னா உயர்நீதிமன்றம் உத்தரவு

பிகாரில் நிதிஷ் குமார் தலைமையிலான அரசு கொண்டுவந்த மதுவிலக்கு சட்டத்தை ரத்து செய்து பாட்னா உயர்நீதிமன்றம் உத்தரவிட்டது.

இதுதொடர்பான வழக்கை விசாரித்த நீதிமன்றம் , பிகார் அரசு கொண்டுவந்துள்ள மதுவிலக்கு சட்டம் சட்டவிரோதமானது என்று கூறி ரத்து செய்தது. முன்னதாக, பிகாரில் முழு மதுவிலக்கை அமல்படுத்த நிதிஷ்குமார் தலைமையிலான அரசு கொண்டுவந்த மதுவிலக்கு சட்டத்துக்கு அந்த மாநிலத்தின் இருஅவைகளும் கடந்த ஆகஸ்ட் 1-ல் ஒப்புதல் அளித்தன. இதையடுத்து அந்த சட்டத்துக்கு மாநில ஆளுநர் ராம்நாத் கோவிந்தும் ஒப்புதல் அளிக்க மதுவிலக்கு சட்டம் அமலானது.

இந்த சட்டத்தின் படி, ஒரு வீட்டில் மது பாட்டில்கள் இருக்கும் பட்சத்தில் அந்த வீட்டில் உள்ள 18 வயது நிரம்பியவர்களை கைது செய்யலாம். மேலும், இந்த சட்டத்தின் படி மது வைத்திருந்ததாகக் கைது செய்யப்பட்டவர்களுக்கு நீதிமன்றம் மட்டுமே ஜாமீன் வழங்கும்படியான சாராம்சம் இடம்பெற்றிருந்தது.

–

புதியதலைமுறை