விடைபெறுகிறது ஐ.என்.எஸ்., விராட்

[img][/img]
-

-
புதுடில்லி ; உலகின் மிகப் பழமையான, விமானந்தாங்கி
போர்க்கப்பல், ஐ.என்.எஸ்., விராட், இந்திய கடற்படையில்
இருந்து, இந்தாண்டு இறுதியில் விடைபெறுகிறது.

28 ஆண்டுகள் சேவை:

இந்திய கடற்படையில், 28 ஆண்டுகளாக சேவையாற்றிய,
பிரம்மாண்ட போர்க்கப்பல், ஐ.என்.எஸ்., விராட்;

இது, பிரிட்டனில், 27 ஆண்டுகள் திறம்பட சேவையாற்றிய பின்,
இந்திய கடற்படைக்கு வாங்கப்பட்டது.
இந்த போர்க்கப்பல், இந்தாண்டு இறுதியில் இந்திய கடற்படையில்
இருந்து விடைபெறுகிறது.

இந்த கப்பலை தன்னிடம் ஒப்படைக்கும்படி, மத்திய அரசிடம்,
ஆந்திர அரசு கேட்டுக் கொண்டுள்ளது.

முறைப்படி ஓய்வு :

விசாகப்பட்டினத்தில் இந்த கப்பலை நிறுத்தி, சுற்றுலாவை மேம்படுத்த,
ஆந்திர அரசு திட்டமிட்டுள்ளது. கேரள மாநிலம், கொச்சி துறைமுகம்
அருகே நிறுத்தி வைக்கப்பட்டிருந்த விராட்டை, கடற்படை உயரதிகாரிகள்,
நேற்று காலை நடந்த விழாவில், மும்பைக்கு அனுப்பி வைத்தனர்.

இந்தாண்டு இறுதியில் நடக்கும் விழாவில், விராட்டுக்கு, முறைப்படி ஓய்வு
அளிக்கப்படும்.
–
—————————————-
தினமலர்