8 சிமி பயங்கரவாதிகள் - என்கவுண்டரில் ...

-
போபால்:
என்கவுன்டர் குறித்து முழுமையாக விசாரணை நடத்தப்படும்
என ம.பி. மாநில ஐ.ஜி. தெரிவித்தார்.

என்கவுன்டர்

மத்திய பிரதேச மாநிலம் போபால் சிறையில் இருந்து இன்று
காலை 8 சிமி பயங்கரவாதிகள் சிறை காவலரின் கழுத்தை
அறுத்துக்கொன்று தப்பியோடினர். புறநகரில் பதுங்கியிருந்த
அவர்களை போலீசார் சுற்றி வளைத்து என்கவுன்டர் மூலம்
சுட்டுத்தள்ளினர்.

ஆயுதங்கள் கைப்பற்றப்பட்டன

இது தொடர்பாக மத்திய பிரதேச மாநில போலீஸ்
ஐ.ஜி. யோகேஷ் சவுத்ரி செய்தியாளர்களுக்கு அளித்த பேட்டி, ,
சுட்டுக்கொல்லப்பட்ட 8 பயங்கராவதிகளிடமிருந்து துப்பாக்கிகள்,
மூன்று கூர்மையான கத்திகள் உள்ளிட்ட பயங்கர ஆயுதங்கள்
கைப்பற்றப்பட்டன.

8 பயங்கரவாதிகள் பலி

என்கவுட்னர் வீடியோ குறித்து போலீசார் ஆய்வு செய்து வருகின்றனர்.
இந்த என்கவுன்டரில் 3 போலீசார் காயமடைந்துள்ளனர்.அவர்கள்
மருத்துவமனையில் சிகிச்சை பெற்று வருகின்றனர்.

முன்னதாக அவர்களை உயிருடன் பிடிக்க முயன்ற போலீசாரை
பயங்கரவாதிகள் தான் துப்பாக்கியால் சுட்டனர். இதில் நடந்த
என்கவுன்டரில் 8 பயங்கரவாதிகளும் சுட்டுக்கொல்லப்பட்டுள்ளனர்.
இது திட்டமிட்டு நடத்தப்படவில்லை. அந்த இடத்தில் நடந்த
சூழ்நிலையை பொறுத்து எடுக்கப்பட்ட முடிவு.

இருப்பினும் என்கவுன்டர் குறித்து முழுமையான விசாரணை
நடத்தப்படும். என்றார்.
-
---------------------------------------
தினமலர்