திருடனுக்கு கொட்டியது "தேள்"... பாகிஸ்தானுக்கு ரூ.500 கோடி இழப்பு

புதுடில்லி:
திருடனுக்கு தேள் கொட்டியது போல் பாகிஸ்தான் கமுக்கமாக வாயை மூடிக்கொண்டுள்ளது. எதற்காக தெரியுங்களா?

500, 1000 ரூபாய் நோட்டுகள் செல்லாது என நம் பிரதமர் மோடி அதிரடி அறிவிப்பு வெளியிட்டதால் பாகிஸ்தானுக்கு ரூ.500 கோடி இழப்பு ஏற்பட்டுள்ளது. அது எப்படிங்க... நம் நாட்டில் தடை செய்தால் அவர்களுக்கு நஷ்டம் என்கிறீர்களா? இதை பாருங்க...

பிரதமர் மோடியின் இந்த அதிரடி அறிவிப்பால் பயங்கரவாதிகள் மற்றும் போலி இந்திய ரூபாய் நோட்டுகளை தயாரிக்கும் பாகிஸ்தானுக்கு ரூ.500 கோடி இழப்பை ஏற்படுத்தி உள்ளது.

கடந்த 2010ம் ஆண்டு வெளிநாடுகளிலிருந்து இந்தியாவுக்குள் வந்த போலி ரூபாய் நோட்டுகளின் மதிப்பு ரூ.1600 கோடி  என்பதை நம் உளவுத்துறை கண்டறிந்து கூறியது.

பாக்., உளவு அமைப்பான ஐ.எஸ்.ஐ., ரூ.500, ரூ.1000 இந்திய ரூபாய் நோட்டுகளை தயாரித்து நிதி பயங்கரவாதத்தில் ஈடுபட்டு அதன்மூலம் வருவாய் ஈட்டி வருகிறது எனவும் "ரா" தெரிவித்துள்ளது.

ஒரு ஆயிரம் ரூபாய் நோட்டை தயாரிக்க ரிசர்வ் வங்கி ரூ.29 செலவு செய்கிறது. அதே நேரத்தில் போலி ஆயிரம் ரூபாய் நோட்டு ஒன்றை தயாரிக்க ரூ.39 மட்டும் செலவு செய்து பாக்., தயாரித்து விடுகிறது.

இதை சட்டவிரோதமாக ரூ.350-400 என விற்பனை செய்கிறது. இதன் மூலம் பாக்., உளவு அமைப்பான ஐ.எஸ்.ஐ.,க்கு ஆண்டுக்கு சுமார் ரூ.500 கோடி வருவாய் கிடைத்து வந்துள்ளது. தற்போது அந்த பணத்திற்கு "ஆப்பு" விழுந்துள்ளது.

நல்ல பகிர்வு
-
முக்கிய நிகழ்வுகள் பகுதிக்கு மாற்றலாம்
-