இந்தியாவுடனான பிரச்னையில் தலையிடுங்க...: ஐ.நா.,விடம் பாக்., வலியுறுத்தல்

நியூயார்க்:
இந்தியாவுடனான பிரச்னை இன்னும் மோசமான நிலைக்கு
செல்லும் முன்னர் தலையிட வேண்டும் என பாகிஸ்தான்
ஐ.நா.,விடம் வலியுறுத்தியுள்ளது.

பதற்றம்:
-
யூரி தாக்குதலை தொடர்ந்து, இந்திய ராணுவம் ஆக்கிரமிப்பு
காஷ்மீருக்குள் ஊடுருவி சர்ஜிக்கல் தாக்குதல் நடத்தியது.
இதில் அதிர்ச்சியடைந்த பாகிஸ்தான் ராணுவம் எல்லையில்
தொடர்ந்து இந்திய நிலைகள் மீது தாக்குதல் நடத்தி வருகிறது.
பொது மக்கள் நிலைகள் மீது தாக்குதல் நடத்தி வருகிறது.
-
பலர் பலியாகியுள்ளனர். இந்திய ராணுவமும் தொடர்ந்து
பாகிஸ்தானுக்கு தக்க பதிலடி கொடுத்து வருகிறது.
இதில் பாகிஸ்தான் ராணுவ வீரர்கள் பலர் பலியாகியுள்ளனர்.
இதனால் இரு நாட்டு எல்லையில் பதற்றம் நிலவுகிறது.

அச்சுறுத்தல்:
-
இந்நிலையில் ஐ.நா.,வுக்கான பாகிஸ்தான் தூதர் மலீஹா லோதி,
ஐ.நா., துணை பொதுச்செயலாளர் ஜான் எலியசானை சந்தித்து
பேசினார். அப்போது லோதி, இந்தியா பாகிஸ்தான் எல்லைகளில்
நிலவும் சூழ்நிலை மிகவும் மோசமாக மாறும் முன்னர்
ஐ.நா., தலையிட வேண்டும். எல்லையில் நிலவும் சூழ்நிலை சர்வதேச
அமைதி மற்றும் பாதுகாப்புக்கு பெரிய அச்சுறுத்தலாக உள்ளது.
-
எல்லையில் நிலவும் பதற்றத்திற்கு இந்தியாவே காரணம். காஷ்மீரில்
நடக்கும் வன்முறை சம்பவங்களை திசைதிருப்பவே, இது போன்ற
நடவடிக்கைகளில் இந்தியா ஏற்பட்டுள்ளது. காயமடைந்தவர்களை
ஏற்றிச்சென்ற ஆம்புலன்ஸ் மீது தாக்குதல் நடத்தியது அடிப்படை
சட்டம் மற்றும் மனிதாபிமானங்களை மீறிய செயலாம்.
-
இதனால், நிலைமை மேலும் மோசமடைவதற்கு முன்னர் ஐ.நா.,
தலையிட வேண்டும் என வலியுறுத்தினார்.
-
தினமலர்